Կ․ Պոլսոյ պատմական հայկական Խորենեան դպրոցի շէնքը կրնայ հիւրանոցի վերածուիլ

Կ․Պոլսոյ Ֆաթիհ շրջանին գտնուող պատմական հայկական Խորենեան տարրական դպրոցի շէնքը կրնայ վերանորոգուիլ։

Ֆաթիհի Սուրբ Հրեշտակապետաց հայկական եկեղեցիին կից 1821թ․-ին բացուած տարրական դպրոցի շէնքն արդէն քառորդ դար է՝ անմխիթար վիճակ ունի։ Քարէ շինութեան պատերը ճաքճքած են, ներսը աղբանոցի վերածուած է։ Կառոյցը ներկայիս անտուններու ապաստան դարձած է։

 

Պատմական կառոյցի վերականգնման նպատակով յաուկ նախագիծ մշակուած է, սակայն այն արդէն չորս տարի պատասխանի կը սպասէ։ Նախագիծի հաստատման պարագային՝ պատմական հայկական դպրոցը կը վերածուի հիւրանոցի։

 

Ստամբուլի Բալաթ թաղամասին գտնուող Սուրբ Հրեշտակապետաց եկեղեցիին կից Խորենեան դպրոցի եւ գերեզմանոցի հիմնադրամի երկրորդ նախագահ Արամ Կուրանը տեղեկացուցած է, որ դպրոցին շէնքը 18 տարի ժամկէտով վարձակալութեան տրուած է ընկերութեան մը։

 

Անոր խօսքով՝ այդ ընկերութիւնը մտադիր է շէնքը վերանորոգելու եւ հիւրանոցի վերածելու։ Սակայն համապատասխան նախագիծը արդէն չորրորդ տարին է՝ որ կը սպասէ հաստատման։

Input your search keywords and press Enter.