Զօհրապ Մնացականեանն Աստանայի մէջ կը մասնակցի ՀԱՊԿ նիստին

Նոյեմբերի 7-8-ն Աստանայի մէջ ՀԱՊԿ գագաթնաժողովին ընդառաջ՝ Հայաստանի արտաքին գործոց նախարարի պաշտօնակատար Զօհրապ Մնացականեանը կը մասնակցի ՀԱՊԿ անդամ պետութիւններու արտաքին գործոց նախարարներու խորհուրդի, պաշտպանության նախարարներու խորհուրդի, անվտանգութեան խորհուրդի քարտուղարներու կոմիտէի համատեղ նիստին: Ասոր մասին կը յայնտեն ՀՀ արտաքին գործոց նախարարութեան լրատւութեան եւ հանրային դիւանագիտութեան վարչութենէն:

Նիստին ընթացքին նախատեսուած է 24 հարցի քննարկում, որմէ 15-ը կը ներկայացուին կազմակերպութեան անդամ երկիրներու ղեկավարներու քննարկման:

Հաւաքական անվտանգութեան խորհուրդի անդամները կը քննարկեն միջազգային եւ տարածաշրջանային անվտանգութեան, ՀԱՊԿ անդամ երկիրներու միջեւ կազմակերպութեան շրջանակներուն եւ միջազգային ասպարեզէն ներս փոխգործակցութեան հետ կապուած հարցեր:

Հաւաքական անվտանգութեան պայմանագիրի կազմակերպութեան հաւաքական անվտանգութեան խորհուրդի նիստը կը կայանայ Նոյեմբերի 8-ին, Աստանայի մէջ: Հաւաքական անվտանգութեան խորհուրդի կազմ ներգրաւուած են կազմակերպութեան անդամ երկիրներու՝ Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի ղեկավարները: Նիստին ընթացքին Հայաստանը կը ներկայացնէ Հայաստանի վարչապետի պաշտօնակատար Նիկոլ Փաշինեանը:

Յայտնի է, որ Նոյեմբերի 8-ին Աստանայի մէջ տեղի ունենալիք ՀԱՊԿ գագաթնաժողովին քննարկուելու է ՀԱՊԿ գլխաւոր քարտուղարի թեկնածութեան հարցը:

Input your search keywords and press Enter.