Իրանի նկատմամբ սահմանուած Ամերիկեան պատժամիջոցները բացարձակապէս անօրինական են. Լաւրով

Ռուսաստանի Դաշնութեան արտաքին գործերու նախարար Սերգէյ Լաւրովը քննադատած է Իրանի նկատմամբ սահմանուած Ամերիկեան պատժամիջոցները՝ յոյս յայտնելով, որ այնուամենայնիւ, եղանակներ կը գտնուին Իսլամական Պետութեան հետ տնտեսական կապերը զարգացնելու:

Ասոր մասին, ինչպէս կը գրէ Life.ru-ն՝ նախարարը յայտարարած է Մադրիդ կատարած աշխատանքային այցի շրջանակներուն Սպանիոյ թագաւոր Ֆիլիպ VI-ին հետ հանդիպման ժամանակ:

Լաւրովի խօսքով՝ մեր ժամանակներուն վերջնագիրներու եւ միակողմ պահանջներու քաղաքականութիւն վարելը պարզապէս անթուլատրելի է:

«Այս պատժամիջոցները բացարձակապէս անօրինական են»,- յայտարարած է Ռուսաստանի Դաշնութեան Արտաքին Գործոց նախարարը՝ աւելցնելով, որ ատոնք ՄԱԿ-ի Անվտանգութեան խորհուրդի որոշման կոպիտ խախտումներ են:

Անոր խօսքով՝ այդ պատժամիջոցները կեանքի կոչելու, ինչպէս նաեւ անոնց մասին յայտարարելու ձեւերը խոր հիասթափութիւն կ՛առաջացնեն:

Input your search keywords and press Enter.