ՀԱՊԿ անդամ պետութիւններու արտաքին գործոց նախարարներու, պաշտպանութեան նախարարներու խորհուրդի եւ անվտանգութեան խորհուրդի քարտուղարներու համատեղ նիստի ծրագիրի շրջանակներուն Նոյեմբերի 8-ին Աստանայի մէջ կայացած է ՀՀ պաշտպանութեան նախարարի պաշտօնակատար Դաւիթ Տօնոյեանի հանդիպումը Ղազախստանի պաշտպանական գերատեսչութեան ղեկավար Նուրլան Երմեկբաեւի հետ:

Ինչպէս կը յայտնեն ՀՀ պաշտպանութեան նախարարութենէն՝ հանդիպման ընթացքին փոխադարձ կարեւորուած է համագործակցութեան ընդլայնման անհրաժեշտութիւնը:

Կողմերը նշած են պաշտպանական ոլորտէն ներս երկու պետութիւններու համագործակցութեան բարձր մակարդակը, զինուած ուժերու ստորաբաժանումներու համատեղ գործուն մասնակցութիւնը կատարողական եւ մարտական պատրաստութեան միջոցառումներուն ինչպէս ՀԱՊԿ, ԱՊՀ ձեւաչափերով, այնպէս ալ Միջազգային բանակային խաղերու շրջանակներէն մերս:

Input your search keywords and press Enter.