Լոս Անջելըսի քաղաքային խորհուրդը բանաձեւ ընդունած է Արցախի ազատագրական շարժման 30-ամեակին կապակցութեամբ

ԱՄՆ-ի Կալիֆորնիա նահանգի Լոս Անջելըս քաղաքի քաղաքային խորհուրդը տարածած է բանաձեւ՝ Արցախի ազատագրական շարժման 30-ամեակին կապակցութեամբ, որն ընդունուր է Սեպտեմբերի 7-ին։

Ինչպէս կը յայտնեն ԱՀ ԱԳՆ-էն՝ բանաձեւով յատկապէս կ՛ըսուի.

«Հաշուի առնելով, որ 30 տարի առաջ, 1988 թ․-ի Փետրուարին, բռնապետութեան պայմաններու տակ Արցախի ժողովուրդն իր ձայնը բարձրացուց յանուն ինքնորոշման, ազատագրման եւ ժողովրդավարութեան, ինչպէս նաեւ հաշուի առնելով, որ Ստեփանակերտէն մինչեւ Երեւան մարդիկ համախմբուեր են յանուն ազատութեան ու ինքնիշխանութեան եւ ընդդէմ անհանդուրժողականութեան ու օտար տիրապետութեան, որ 1991 թ․-ի Դեկտեմբերի 10-ին կայացած հանրաքուէի արդիւնքով Արցախի Հանրապետութիւնը հռչակեր է իր անկախութիւնը, որ վերջին երեք տասնամեակներուն ընթացքին Արցախի Հանրապետութեան ժողովուրդը տոկունութիւն եւ հաստատակամութիւն ցուցաբերեր է պատերազմի, կոտորածներու, տնտեսական զրկանքներու եւ այլ հսկայական դժուարութիւններու հանդէպ՝

որոշեցինք, որ տուեալ բանաձեւի ընդունմամբ Լոս Անջելըսը կը շնորհաւորէ Արցախի Հանրապետութիւնն ու անոր քաղաքացիները Արցախի ազատագրական շարժման 30-րդ տարեդարձին կապակցութեամբ եւ բարձր կը գնահատէ այն զոհողութիւնները, վճռականութիւնն ու տոկունութիւնը, որոնք Արցախի ժողովուրդը ցուցաբերած է ծայրայեղ դժուարութիւններու պայմաններուն, եւ կը յայտարարէ, որ 1991 թ․-ի Դեկտեմբեր 10-ն կ՛ըլլայ Արցախի օրը Լոս Անջելըսի մէջ»։

Input your search keywords and press Enter.