Իդլիբ․ Բախումները բանակի եւ ահաբեկիչներու միջեւ կը շարունակուին

Սուրիական Իդլիբի ապառազմականացուած տարածքին կանոնաւոր բանակի եւ ահաբեկիչներու երկկողմանի կրակին պատճառով բախումները կը շարունակուին։

Հակառակ Աստանայի խաղաղ բանակցութիւններուն՝ Սուրիոյ կառավարութիւնն ու զինուած խումբերը դեռ չեն դադրեցուցած ռազմական գործողութիւնները Իդլիբի ապառազմականացուած գօտիին մէջ։

Ըստ Մուհրադայի մէջ Սուրիական բանակի ռազմական խարիսխի լաւ տեղեկացուած աղբիւրին՝ կանոնաւոր բանակը հզօր հարուած հասցուցած է Չորեքշաբթի (Նոյեմբերի 28-ին) խումբ մը ահաբեկիչներու ուղղութեամբ, որոնք կը փորձէին Իդլիբ-Համա առանցքի մօտակայքին գտնուող ապառազմականացուած գօտիէն ներս հզօրացման կարեւոր սարքեր տեղակայել:

Ի պատասխան՝ «Ջէյիշ ալ-Իզզա» խմբաւորման ահաբեկչական անդամները նշանառութեան տակ վերցուցած են Մուհրադայի մօտ գտնուող Սուրիական բանակի դիրքրերը։ Այս յարձակումները հանգեցուցած են բազմաթիւ պայթիւններու, որոնց ձայները լսելի էին հարաւակողմը, մինչեւ Համա քաղաք:

Ատոր հետեւանքով երկու կողմերն ալ կէսօրուայ ընթացքին բախումներու մէջ էին:

Բացի այդ, «Հայ՛աթ Թահրիր ալ-Շամ» խմբաւորման ահաբեկիչները յարձակման ենթարկած են Քուէյին ալ-Քաբիրի հարաւին տեղակայուած Սուրիական բանակի բազմաթիւ դիրքերը։

Սուրիական բանակն ու զինուած խումբերը զիրար մեղադրած են տեղի ունեցած բռնութիւններու զարգացման մէջ:

Զինուած խումբերը կը հաստատեն, որ Իդլիբի ապառազմականացուած գօտիին մէջ Սուրիական բանակին դէմ ուղղուած յարձակումները՝ ըստ Սոչիի համաձայնագրին, ակնյայտ կը խախտեն Իդլիբի տուեալ գօտի ապառազմականացումը:

Համաձայն Սուրիական բանակի` ահաբեկիչները մինչեւ Հոկտեմբերի 15-ը արդէն պէտք է լքէին Իդլիբի ապառազմականացման գօտին։

Input your search keywords and press Enter.