Ուկրանիան խնդրած է Թիւրքիայէն՝ փակել Բոսֆորի նեղուցը ռուսական նաւերուն դիմաց

ԱՐԵՒՄՏԵԱՆ ՀԱՅԱՍՏԱՆ — Թիւրքիոյ նախագահ Ռեջեպ Թայիպ Էրդողանը յայտարարած էր, որ Ուկրանիոյ ռազմածովային ուժերուն կողմէ Ռուսաստանի ծովային սահմանը խախտելուն հետեւանքով քննարկած է Ռուսաստանի եւ Ուկրանիոյ միջեւ ճգնաժամին միջամտելու հնարաւորութիւնը։

 

Կիեւի մէջ տեղի ունեցած երկրորդ միջազգային ծովային անվտանգութեան վեհաժողովին ժամանակ Ուկրանիոյ ռազմածովային ուժերու հրամանատար Իգոր Վորոնչենկոն յայտարարած է, որ երկրի իշխանութիւնները Թիւրքիային կը խնդրեն փակել Բոսֆորի նեղուցը ռուսական ռազմանաւերուն դիմաց:

 

«Որպէս ռազմածովային ուժերու հրամանատար՝ վստահ եմ, որ միջազգային հանրութիւնը դեռ որոշում կը կայացնէ եւ կը ճանչնայ այն, որ Ուկրանիոյ պետութեան դէմ գործադրուած է ոտնձգութիւն… Մենք կը փորձենք խնդրել, որ անցման ճանապարհը փակուի»․ ըսած է Իգոր Վորոնչենկոն՝ մեղադրելով Ռուսաստանին միջազգային իրաւունքը խախտելու մէջ:

 

Ըստ Վորոնչենկոյի՝ այդ ամենը կը կատարուի համաձայն 1936 թ.-ի նեղուցներու կարգավիճակի մասին Մոնտրյոյի պայմանադրութեան 19-րդ յօդուածին, որ թոյլ կուտայ Թիւրքիային վերահսկելու Բոսֆորի եւ Դարդանելի  նեղուցները եւ կարգաւորէ ռազմածովային նաւատորմի անցումը:

 

Ան նաեւ աւելցուցած է․ «Մենք պէտք է ցոյց տանք մեր դէմքը Կերչի նեղուցի եւ Ազովի ծովի նկատմամբ, եւ թէ ինչի ընդունակ են այդ նաւերը»:

 

Անցեալ Կիրակի, Ռուսաստանի անվտանգութեան դաշնային ծառայութիւնը յայտարարեր էր, որ երեք Ուկրանիական ռազմանաւեր անօրինականօրէն անցած են ռուսական ծովային սահմանը, փորձելով նաւարկել Կերչի նեղուցով դէպի Ազովի ծովի մուտքը:

Input your search keywords and press Enter.