Սուրիական ընդդիմութիւնը դժգոհ է երկրէն ներս ԱՄՆ-ի «անօրինական» ներկայութենէն, — կը նշէ Սուրիոյ մէջ Ռուսաստանի պատուիրակը

ԿԻԼԻԿԻԱ — Սուրիոյ հարցով Ռուսաստանի յատուկ պատուիրակ Ալեքսանդր Լաւրենտիեւը յայտարարած է, որ Սուրիական ընդդիմութեան ներկայացուցիչները իրենց դժգոհութիւնը յայտնած են երկրէն ներս ԱՄՆ-ի ներկայութեան վերաբերեալ եւ իրենց վախը յայտնած են, որ այդ ի վերջոյ կը հանգեցնէ երկրի բաժանման:

 

Աստանայի մէջ կայացած մամուլի ասուլիսի ժամանակ տարբեր մեկնաբանութիւններ հնչած են:

«Յատկանշական է, որ նոյնիսկ Սուրիոյ ընդդիմութեան ներկայացուցիչները, որոնց հետ այսօր արդիւնաւետ բանակցութիւններ վարած ենք, ընդգծած են իրենց բացասական վերաբերմունքը Սուրիոյ մէջ Ամերիկացիներու ապօրինի ներկայութեան հանդէպ», — ըսաւ ան:

Ըստ Լաւրենտիեւի՝ Սուրիական ընդդիմութիւնը  «խոստովանած է, որ իրենց զգացողութիւններուն համաձայն՝ Ամերիկացիները իսկապէս առաջ կը բերեն երկրի որոշակի բաժանում»:

 

ՄԱԿ-ի մէջ Սուրիոյ մշտական ներկայացուցիչ Բաշշար Ջաֆարին պնդած է, որ «բոլոր խումբերը, որոնք ապօրինի մուտք գործած են տարածք՝ պէտք է դուրս գան, ինչպէս նաեւ Ամերիկեան խումբերը»:

 

Ջաֆարին նաեւ պնդած է, որ Հալէպի մէջ տեղի ունեցած վերջին քիմիական յարձակումը կատարուած է ահաբեկիչներուն կողմէ` «թրքական կառավարութեան» հրահանգներով:

 

«Մենք գիտենք, թէ ով անոնց յանձնարարական տուած է, ով անոնց տրամադրած է քիմիական զէնք եւ ով թոյլ տուած է անոնց օգտագործելու այդ զէնքերը», — աւելցուցած է ան:

Աստանայի ձեւաչափով մեկնարկած է Սուրիոյ խաղաղ բանակցութիւններու 11-րդ փուլը:

Input your search keywords and press Enter.