Թրամփը չեղեալ յայտարարած է Պուտինի հետ հանդիպումը

Ռուսաստանի եւ ԱՄՆ-ի ղեկավարներուն հանդիպումը նախատեսուած էր  Արժանտինայի մէջ G20-ի գագաթնաժողովի շրջանակներէն ներս, որ տեղի  պիտի ունենայ Նոյեմբերի 30-էն մինչեւ Դեկտեմբերի 1-ը, սակայն Կերչի նեղուցի ճգնաժամին պատճառով Թրամփը չեղեալ յայտարարած է հանդիպումը։

Յիշեցնենք, որ Նոյեմբերի 25-ին Ղրիմի թերակղզիի մօտակայքին բախում տեղի ունեցած է Ռուսական եւ Ուկրանիական ռազմանաւերուն միջեւ: Ռուսական առափնեայ պաշտպանութեան նաւերը կրակ բացած են եւ գրաւած են Ուկրանիական նաւերը: Վեց Ուկրանիացի նաւաստի վիրաւորուած է: Կիեւը ռազմական դրութիւն յայտարարած է Ուկրանիոյ 27 շրջաններէն 10-ին մէջ, ներառեալ Ռուսաստանի հետ ծովային կամ ցամաքային սահմաններ ունեցող բոլոր շրջանները: Կրեմլինը յայտարարած է, որ ռազմական դրութիւն մտցնելու Կիեւի որոշումն ալ աւելի կը թեժացնէ հակամարտութիւնը:

Input your search keywords and press Enter.