Սուրիական բանակի 5-րդ կորպուսը կը դիրքաւորուի Իդլիբի մօտակայքին

Ամբողջ 5-րդ  կորպուսը այս շաբաթ հարաւային Սուրիայէն  ճամբայ ինկած է դէպի Իդլիբ — Համա առանցք: Ասոր մասին Հինգշաբթի օրը «Al-Masdar» լրատուականին հաղորդած է ռազմական աղբիւրը։

 

Ըստ ռազմական աղբիւրին՝ ամբողջ 5-րդ  կորպուսը Երեքշաբթի երեկոյեան հրաման ստացած է Սուրիոյ Արաբական բանակի բարձրագոյն հրամանատարութենէն, որ ան Իդլիբ եւ Համա նահանգներուն մէջ վերատեղակայուի:

 

5-րդ  կորպուսի զօրքերուն մէկ մասը նոր գործողութիւն պիտի իրականացնէ Համայի հիւսիսային շրջաններուն, մինչ միւս ստորաբաժանումները պիտի աջակցին «Վագրի ուժեր» զօրագունդին, հարաւ-արեւելեան Իդլիբի մէջ իրենց յառաջիկայ գործողութիւններուն։

 

5-րդ  կորպուսը ձեւաւորուեր է 2015 թուականին ռուսական զինուած ուժերու ժամանումէն անմիջապէս յետոյ։ Ան ի մասնաւորի տեղակայուած էր «Իսլամական պետութեան» սահմաններուն մօտ:

 

Մինչ այդ ան մասնակցութիւն ունեցած է Պալմիրայի, ալ — Սուխնէի, Դէյր Զօրի, Դար՛այի եւ ալ -Սաֆայի յարձակումներուն։

Input your search keywords and press Enter.