Իզնիկի` թանգարանի վերածուած Այա Սոֆիա եկեղեցին ողբալի վիճակի մէջ կը գտնուի

Բուրսա նահանգի Իզնիկ գաւառին մէջ գտնուող եւ ներկայիս որպէս թանգարան գործող պատմական Այա Սոֆիա եկեղեցիի պատի ծեփերը կը թափուին:  Թանգարանի նախկին տնօրէն Թայլան Սեւիլը շեշտած է այդ մշակութային հարստութեան պահպանման անհրաժեշտութեան մասին:

 

Աղբիւրին համաձայն` Բուրսայի Հիմնադրամներու շրջանային տնօրինութեան կողմէ 2007 թ.-ին որոշում կայացուած էր թանգարանի վերածուած սոյն եկեղեցին վերանորոգելու` «հաւատարիմ մնալով բնօրինակին եւ զայն վերածել ժամանակակից կառոյցի»: Քննարկուած էր նաեւ ժամանակին որպէս մզկիթ օգտագործուած այս եկեղեցին վերստին մզկիթի վերածելու գաղափարը, որ բուռն վիճաբանութեան առարկայ դարձած էր: Որոշ ժամանակ թանգարանի գործառոյթ իրականացուցած այս պատմական շինութիւնը 2011 թ.-ի Նոյեմբեր 6-ին վերաբացուեր էր որպէս մզկիթ, որմէ ետք եկեղեցիի մէկ հատվածը կ՛օգտագործուէր որպէս մզկիթ, միւսը` թանգարան:

Թանգարանի նախկին տնօրէն Թայլան Սեւիլը լրատուամիջոցներուն յայտնած է, որ եկեղեցին ներկայիս անմխիթար վիճակի մէջ է, եւ անձամբ ինքը կասկածանքով կը վերաբերի այն հարցին, թէ կառոյցը կը պահպանուի, եւ ընդգծած է հնարաւոր չափով կարճ ժամանակահատուածի մէջ միջոցներ ձեռնարկելու անհրաժեշտութիւնը: Իզնիկի բնակիչներէն Էսին Օրէնն ալ նշած է. «Այասոֆիան խիստ կարեւոր կեդրոն է Իզնիկի ու քրիստոնեայ աշխարհի համար: Եւ այս պատմական կառոյցի ներկայ վիճակը ուղղակի ողբալի է»:

Input your search keywords and press Enter.