Ուկրանիան Գերմանիային կոչ կ՛ընէ օգտագործելու ռազմածովային ուժեր

ԿԱՐԻՆ — Դեկտեմբերի 2-ին Ուկրանիոյ նախագահը կոչ ըրած է Գերմանիային եւ անոր դաշնակիցներուն ուժեղացնելու Սեւ ծովի իրենց նավատորմային ներկայութիւնը եւ թոյլ չտալու Ռուսաստանին որ շարունակէ իր «պատերազմական գործողութիւնները» տարածաշրջանին մէջ: Կերչի հետ կապուած գործի սկիզբին, Գերմանիան ընդունեց չափաւոր դիրքորոշում, որով զսպուածութեան կոչ ըրաւ Կիեւին։ Արդե՞օք նախագահ Պորոշենկոյի կոչը կը նշանակէ, որ Ամերիկան կը ցանկայ հանդիպում հրահրել Գերմանիոյ եւ Ռուսաստանի միջեւ։

Ուկրանիոյ նախագահ Պետրօ Պորոշենկոն յայտարարած է, որ Ռուսաստանը Ուկրանիոյ հետ ունեցած սահմանի երկայնքով հազարաւոր զօրքեր տեղակայած է եւ կը ցանկայ մեկուսացնել Ուկրանիան: Կիրակի օրը հրապարակուած հարցազրույցին ան ըսած է, որ Ռուսաստանը մտադիր է Ուկրանիոյ տարածքներ ներթափանցել Սեւ ծովի մէջ տեղի ունեցած բախումէն ետք:

«Մենք պէտք է ուժեղ, միասնական եւ միանշանակ արձագանքենք Ռուսաստանի գործողութիւններուն», — ըսած է Պորոշենկոն Գերմանիոյ Funke Media-ի կողմէ հրապարակուած հարցազրոյցին:

Ուկրանիոյ եւ Ռուսաստանի միջեւ ուժեղ լարուածութիւնը կը շարունակուի Ռուսական առափնեայ պահակախումբին կողմէ Ազովեան ծովի մէջ երեք Ուկրանիական ռազմանաւերու առգրաւման պահէն քանի մը օր անց: Ուկրանիան սահմանափակեր է իր տարածք 16-էն 60 տարեկան ռուս տղամարդկանց մուտքը: Ասոր մասին Ուրբաթ օրը յայտարարեր է Ուկրանիոյ սահմանապահ ծառայութեան ղեկավարը:

Լարուածութեան այս աճէն յետոյ, ԱՄՆ-ի նախագահ Դոնալդ Թրամփը չեղեալ յայտարարած է իր հանդիպումը ՌԴ նախագահ Վլադիմիր Պուտինին հետ Բուէնոս Այրէսի մէջ ընթացող G20 գագաթնաժողովի շրջանակներէն ներս:

Input your search keywords and press Enter.