ԱՄՆ-ի Սենատի զինուած ուժերու կոմիտէի նախագահ Ջեյմս Ինհոֆը յայտարարած է, որ եթէ Թիւրքիան կը ցանկանայ ԱՄՆ-ի հետ միասին մնալ ՆԱՏՕ-ի երկիրներու մասնակցութեամբ իրականացուող F-35 նոր սերունդի կործանիչներու նախագիծով, պէտք է հրաժարի ռուսական S-400 ՀՕՊ համակարգերու գնումէն:

Ասոր մասին Ամերիկացի բարձրաստիճան պաշտօնեան ըսած է «Bloomberg» լրատուական գործակալութեան հետ իր զրույցին:

«Թիւրքիան ՆԱՏՕ-ի շրջանակներուն մէջ կարեւոր գործընկեր է, սակայն պէտք չէ այդպէս վարուի: Ճիշտ է, հակաօդային պաշտպանութեան ոլորտին մէջ կարիքներ ունի, բայց այս պահին ամենակարեւորը հետեւեալն է՝ Թիւրքիան պէտք է ընտրութիւն կատարէ Ռուսաստանի ու Արեւմուտքի միջեւ: Եթէ շարունակէ Ռուսաստանէն գնել S-400 համակարգեր, ապա այդ՝ իր հետևանքները  կունենայ»:

ԱՄՆ-ի պաշտպանական ընկերութիւններէն մէկու հրթիռներու փորձագէտ Սթիւ Զալոգան յայտարարած է, որ ՆԱՏՕ-ն մտահոգ է այն բանով, որ ռուս մասնագէտները պէտք է մեկնին Թիւրքիա՝ այդ երկրի մասնագէտներուն S-400 համակարգերոի հմտութիւններն ուսուցանելու: Ըստ փորձագէտին՝ ՆԱՏՕ-ն անհանգստացած է, որ Թիւրքիոյ մէջ ռուս մասնագէտներուն թոյլ կը տրուի S-400-ի թեսթաւորումներ անցընել F-35 կործանիչներուն դէմ:

Յիշեցնենք, որ S-400 ՀՕՊ համակարգերու առաջին խմբաքանակի մատակարարման վերաբերեալ ռուս-թրքական պայմանագիրին համաձայն՝ անոնց 4 մարտկոցներէն 2-­ը Թիւրքիային կը մատարարարուին 2019 թուականին: Պայմանագիրին արժէքը կազմած էր 2.5 մլրդ դոլար:   

Input your search keywords and press Enter.