Մոլորակային կլիմայական փոփոխութիւնները սպառնալիք կը դառնան

Մարդկութիւնը կրնայ անյետանալ, եթէ կլիմայի փոփոխութիւնը զսպելու հարցով գործողութիւններ ձեռք չառնուին, յայտարարած է բրիտանացի բնագէտ սըր Դէյւիդ Ատենբորոն՝ ելոյթով հանդէս գալով ՄԱԿ-ի կլիմայի փոփոխութեան թեմայով գագաթնաժողովին, անոր խօսքով՝ ներկայիս մենք կը բախուինք մոլորակային ծաւալներու մարդկային աղետի, որ վերջին հազար տարուայ ընթացքին ամենամեծ սպառնալիքն է։ Ատենբորոն կոչ ըրած է պատուիրակներուն մինչեւ Դեկտեմբերի 14-ը հաւաքուիլ Լեհաստանի Կատովիցէ քաղաք, որպէսզի կլիմայի փոփոխութեան հարցով Փարիզեան համաձայնագիրի իրականցման ջանքերով առաջընթացի հասնին։

Լեհաստանի մէջ ընթացող գագաթնաժողովին զուգահեռ՝ 15-ամեայ Գրետա Թունբերգը  կոչ ըրած է ՄԱԿ-ի գլխաւոր քարտուղարին եւ աշխարհի առաջներդներուն՝ քայլեր ձեռնարկելու կլիմայական փոփոխութիւններուն դէմն առնելու համար։ Ան նաեւ նշած է, որ լրատուական միջոցները անընդհատ պէտք է լուսաբանեն այս թեման, որ լրջագոյն սպառնալիք կը հանդիսանայ մեզի համար։

Աղջկայ խօսքերով՝ Օգոստոսէն սկսեալ Շուէդի խորհրդարանին դիմաց իր բողոքի ցոյցը կ՛արտայայտէ ընդդէմ մարդկանց անտարբերութեան եւ քայլեր չձեռնարկելուն։

Input your search keywords and press Enter.