Ուսումնամարզական թռիչքի ժամանակ կործանուած է ՀՀ ԶՈՒ ՍՈՒ-25 ինքնաթիռը

4-ին՝ ժամը 10:20-ի սահմաններումն, կապը կորսուեր է  ամենօրեայ մարտական պատրաստութեան ծրագիրով ուսումնամարզական թռիչք իրականացնող ՀՀ զինուած ուժերու ՍՈՒ-25 մարտական ինքնաթիռին հետ: Ինքնաթիռը թռիչքային երթուղի բարձրացած էր ժամը 10:06-ին Գիւմրիի օդանաւակայանէն:

Վթարին վայրը յայտնաբերուեր է Մարալիկի տարածաշրջանին՝ լեռներու վրայ։

Պատահարին հետեւանքով զոհուած 1-ին կարգի օդաչու, փոխգնդապետ Արմէն Սլաւիկի Բաբայեանն ու 3-րդ կարգի օդաչու մայոր Մովսէս Գէորգի Մանուկեանը կը յուղարկաւորուին «Եռաբլուր», զինուորական պանթէոն:

Ասոր մասին յայտնած է պաշտպանութեան նախարարութեան մամուլի ծառայութիւնը։

Արեւմտեան Հայաստանի Նախագահ Արմենակ Աբրահամեանն իր  ցաւակցութիւնը կը յայտնէ վթարուած ինքնաթիռի օդաչուներու ընտանիքներուն, մերձաւորներուն, ծառայակիցներուն եւ համայն հայութեան:

Input your search keywords and press Enter.