Ռուսաստանը հրաժարուեր է Ատրբէյջանին մատակարարել «Բալ-Է» հրթիռային համալիրը

Ռուսաստանի Դաշնութեան իշխանութիւնները հրաժարուեր են Ատրբէյջանին մատակարարել «Բալ-Է» առափնեայ հրթիռային համալիրը, — կը գրէ kommersant.ru-ն՝ մանրամասնելով, որ գործարքը չեղեալ համարելը պայմանաւորուած է Ռուսաստանի Դաշնութեան պաշտպանութեան նախարարութեան դիրքորոշումով:

Ռուսական կողմը եկեր է այն եզրահանգման, որ տուեալ համալիրի հրթիռի՝ նոյնիսկ արտահանմանի համար նախատեսուած տարբերակը հաւանական սպառնալիք կը  ներկայացնէ Ռուսաստանի Դաշնութեան տարածքային ջուրերուն մէջ գտնուող Կասպեան նաւատորմիղի նաւերուն համար:

Աղբիւրը կը նկատէ, որ Մոսկուան էական վնաս չի կրեր տուեալ գործարքը չեղեալ համարելով. վերջին տարիներուն Բաքուն 5 մլրդ դոլարի ռուսական զէնք եւ ռազմական սարքեր գնած է:

Յայտնի է, որ Ատրբէյջանը «Բալ-Է» առափնեայ հրթիռային համալիրի գնմամբ հետաքրքրուած էր 2014թ.-էն ի վեր: Ատրբէյջանի Պաշտպանութեան Նախարաութիւնը մտադիր էր այդ համալիրով ապահովել Կասպից ծովի իր հատուածի առափնեայ մասի անվտանգութիւնը: Մոսկուան ու Բաքուն ստորագրած էին նախնական պայմանագիրը, սակայն բուն համաձայնագիրը ստորագրելուն չէր հասած գործը:

Input your search keywords and press Enter.