Թահրիր ալ-Շամի ահաբեկիչները հարուածած են Հալէպի հարաւին գտնուող կամուրջներուն

Սուրիական աղբիւրներէն ստացուած տեղեկութիւններուն համաձայն, Իդլիբի մէջ գործող Թահրիր ալ-Շամի Քա՛իդայական ահաբեկիչները պայթեցուցեր են կամուրջներ, որոնք Հալէպի հարաւային հատուածը կը կապեն այդ շրջանին գտնուող Սուրիական բանակին:

Թահրիր ալ-Շամի պաշտօնական լրատուական գործակալութիւնը, Ebaa-ն, մեջբերած է մամլոյ քարտուղար Աբու-Խալեդ ալ-Շամիէն, ըսելով, որ ահաբեկչական խումբի ինժեներական ստորաբաժանումը պայթեցուցած է Հալէպի հարաւին գտնուող Ալ-Հազեր եւ ալ-Էյս շրջանները իրարու կապող կամուրջները: Ի՞նչ կը նշանակէ այս գործողութիւնը: Սուրիական բանակի մօտակայքին գտնուող աղբիւրներուն համաձայն, ահաբեկիչները կը ձգտին կտրել Իդլիբի եւ  Սուրիոյ մնացեալ շրջաններուն միջեւ աշխարհագրական շփումները, եւ սա Իդլիբէն ներս գտնուող ուժերու մեծ վերակազմաւորման ենթապատկերին վրայ, ուր Միացեալ Նահանգները, ՆԱՏՕ-ն եւ Թիւրքիան ակնյայտօրէն կը գործեն պարտականութիւնները կիսելու սկզբունքով:

«Կամուրջները ոչնչացուած են, որպէսզի Սուրիական բանակին արգիլուի Ալ-Էիսի շրջանը վերցնելը», — ըսած է Ալ-Շամին:

Մէկ ամիս առաջ Թահրիր ալ-Շամի ահաբեկիչները նոյնպէս քանդած են Համայի նահանգի հիւսիսային շրջաններու կամուրջները, ձգտելով կտրել նաեւ այնտեղ Համայի եւ Իդլիբի միջեւ տարածքային շփումները:

Նախագահ Վլադիմիր Պուտինն ու անոր թիւրք գործընկեր Ռեջեպ Թայիպ Էրդողանը ստեղծեցին «ապառազմականացուած գօտի», 15-20 կմ լայնութեամբ, Իդլիբի մէջ ռուս-թրքական վերահսկողութեան տակ: Այնուամենայնիւ, ահաբեկչական խումբերը բացարձակապէս չեն յարգեր զայն, ամեն օր թիրախաւորելով Սուրիական բանակի դիրքերն ու քաղաքացիական շրջանները:

Այս գործողութիւններուն դէմ HTC-ի Քա՛էտայական ահաբեկիչները Երեքշաբթի 4 Դեկտեմբերին  յաջողած են ընդլայնել իրենց ներկայութիւնը Իդլիբի ապառազմականացուած գօտիէն ներս, համեմատաբար սահմանափակ ընդհարումներէ ետք Թիւրքիոյ հովանիին տակ գտնուող ահաբեկիչներուն հետ Համայի հիւսիսարեւմուտքին։ Քա՛էդայականները կը գրեն, որ գրաւած են Համայի հիւսիս-արեւմուտքին գտնուող Զայզուն քաղաքը թրքական աջակցութեամբ, այսպէս կոչուած, «Ազգային ազատագրական ճակատի» պաշտպանութիւնը գերազանցելով:

Այս առաջընթացին շնորհիւ HTC-ն այժմ գրաւած է Սուրիոյ հիւսիս-արեւմուտքին գտնուող Ազգային Ազատագրական Ճակատի երկու քաղաքները: HTC- ն այժմ կը փորձէ աւելի շատ տարածքներ գրաւել Ազգային Ազատագրական Ճակատի ձեռքէն, ձգտելով ընդլայնել իրենց ներկայութիւնը Համայի եւ Իդլիբի մէջ:

Արդեօք գոյութիւն ունի՞ իսկական ընդդիմութիւն թրքամետ ահաբեկիչներու եւ «Քա՛իդայի» ահաբեկիչներուն միջեւ: Վերլուծաբանները հակվուած են բացասական պատասխան տալու: Սուրիոյ հիւսիսին, Թիւրքիան, որ ՆԱՏՕ-ի գործող անդամ է, կարծես կը ցանկայ վերարտադրել նոյն նախագիծը, ինչը որ կը կիրառեն ամերիկացիները Դէյր-Զօրի մէջ․ ռազմական մէկ բռունցք կազմել այն կողմերէն, որոնց երկուքն ալ նոյն նպատակին կը ծառայեն, Սուրիոյ տարածքներու բռնագրաւման: Դէյր-Զօրի մէջ Դա՛էշը եւ FDS-ը թոյլ տուած են ամերիկացիներուն՝ ահաբեկչութեան դէմ պայքարի պատրուակով ձեռք բերելու անոնց գրաւած տարածքները:

Input your search keywords and press Enter.