Սուրիական Պատերազմի Նոր Քարտէսը՝ Դեկտեմբեր Ամսուայ Դրութեամբ

ԿԻԼԻԿԻԱ — Վերջին ամսուան ընթացքին, Սուրիոյ մէջ շարունակուող պատերազմին հետեւանքով, քարտէսը քիչ փոփոխութիւններու ենթարկուած է՝  հակառակ այն բանի, որ երկրի քանի մը ճակատներուն կատաղի բախումներ տեղի կ՛ունենան:

Քարտէսի ամենակարեւոր փոփոխութիւններէն մէկը տեղի ունեցած է Նոյեմբեր ամսուն Սուրիոյ հարաւային շրջանին, երբ Սուրիական արաբական բանակն ու անոր դաշնակիցները ազատեցին Ալ-Սաֆա հրաբխային տարածքը «իսլամական պետութենէն»։

Ալ-Սաֆա շրջանի ազատագրման հետեւանքով Սուրիական արաբական բանակը սկսեցաւ  իր զօրքերը վերատեղակայել Իդլիբ, Լաթաքիա եւ Համա նահանգներուն մէջ:

Վերջին վերաբաշխումներուն պատճառը պայմանաւորուած է Սոչիի համաձայնագիրի տապալումով, որ բազմիցս խախտուեր էր ներգրաւուած բոլոր կողմերու միջամտութիւններով:

Մինչդեռ, Սուրիոյ հարաւ-արեւելեան հատուածին, ԱՄՆ-ի աջակցութեամբ, Սուրիոյ դեմոկրատական ուժերը (SDF) կրկին գործողութիւններ վերսկսած են Դէյր-էլ-Զօրի մարզին մէջ, քանի որ անոնց զօրքերը մտեր են «իսլամական պետութեան» Հաճինի յէնակէտ:

Սուրիոյ դեմոկրատական ուժերը մօտ ապագային կրնան յաջողութեան հասնիլ,  քանի որ Թիւրքիոյ կողմէ հովանաւորուող Սուրիոյ ազատ բանակի ապստամբները սկսեր են ուշադրութիւն դարձնել Քրդական ինքնապաշտշպանական ուժերու դաշնակիցներուն կողմէ կառավարուող տարածքներուն։

Մասնաւորապէս, թրքական կողմէ հովանաւորուող ապստամբները թրքական սահմանին մօտիկ Հալէպի եւ Ռաքքայի հիւսիսարեւելեան շրջաններուն զօրքեր հաւաքած են:

Թրքական վարչակարգը կը ցանկայ, որ այդ տարածքները մաքրուին ՍԴՈւ-ի եւ ՔԻՈՒ-ի ուժերէն, քանի որ այս խմբաւորումները կը դիտարկուին որպէս ահաբեկչական կազմակերպութիւններ:

 

Input your search keywords and press Enter.