Մոսկուայի մէջ կը բացուի «Հայաստան. երկրաշարժ. ցնցում. փրկութիւն» խորագիրով ցուցահանդէս

Մոսկուայի մէջ կը կայանայ «Հայաստան. երկրաշարժ. ցնցում. փրկութիւն» լուսանկարչական ցուցահանդէսի բացումը, որ կազմակերպուած է Франкотека մշակութային կեդրոնի եւ «Բժիշկներ առանց սահմաններու» միջազգային մարդասիրական կազմակերպութեան ջանքերով:

«Կործանարար բնական աղետէն յետոյ ԽՍՀՄ-ը 20-րդ դարի 20-ական թուականներէն ի վեր առաջին անգամ սահմանները բացաւ միջազգային մարդասիրական կազմակերպութիւններուն առջեւ եւ անոնց հնարարորութիւն տուաւ օգնելու աղետեալներուն: «Բժիշկներ առանց սահմաններու» կազմակերպութիւնը անոնց շարքին էր: Ցուցահանդէսին ներկայացուած կ՛ըլլան կազմակերպութեան աշխատակիցներուն եւ մասնագէտ լուսանկարիչներուն պատկերած 15 լուսանկարներ, ինչպէս նաեւ ողբերգական դէպքերու ականատեսը դարձած տուժածներու եւ մասնագէտներու պատմութիւնները», — կը յայտնէ Rusarminfo-ն՝ յղում կատարելով կազմակերպիչներէն:  

Ցուցահանդէսի բացումը կը կայանայ Դեկտեմբերի 7-ին Մոսկուայի Արտասահմանեան գրականութեան գրադարանի տարածքին:

Input your search keywords and press Enter.