Լաւրով․ — Մոսկուան կը շարունակէ աջակցիլ Բաքուի եւ Երեւանի միջեւ ուղիղ երկխօսութեան

Երեկ Բաքուի մէջ կայացեր է Ռուսաստանի արտաքին գործոց նախարար Սերգէյ Լաւրովի եւ Ատրբէյջանի նախագահ Իլհամ Ալիեւի հանդիպումը:

Հանդիպման ընթացքին կողմերը քննարկեր են երկու երկիրներուն միջեւ համագործակցութիւնը, ինչպէս նաեւ Լեռնային Ղարաբաղի հակամարտութեան կարգաւորումը:

«Կը ցանկանք շարունակել նպաստել Երևանի ու Բաքուի միջև ուղիղ երկխօսութեան՝ կարգաւորելու համար Լեռնային Ղարաբաղի հակամարտութիւնը»,- РИА Новости-ն մէջբերած է Լաւրովի խօսքը:

Նախատեսուած են նաեւ բանակցութիւններ Ատրբէյջանի արտաքին գործոց նախարար Էլմար Մամեդիարովին հետ: Լաւրովը Բաքուի մէջ մասնակից է Սեւծովեան տնտեսական համագործակցութեան արտգործնախարարներու նիստին։

Input your search keywords and press Enter.