Յարգելի՛ հայրենակիցներ, Արևմտեան Հայաստանի Պետական հեռուստաըկներութեան հիւրն էր Արեւմտեան Հայաստանի Ազգային Խորհուրդի Նախագահ Արմենակ Աբրահամեանը, որուն ուղղեցինք հարցեր’ կապուած մեր հեռուստաընկերութեան ապագայ քայլերուն, եւ Ձեզի կը  ներկայացնեմ իր պատասխանը․

Պարոն Արմենակ Աբրահամեանը նշեց 5 կետերը, որոնք կը ներկայացնեն հեռուստաընկերութեան նպատակը եւ ապագայի անելիքները։

1․Մեր հեռուստաընկերութիւնը յստակ նպատակ ունի՝ կապ պահպանելու մեր ժողովուրդին հետ։ Այն գործիք է, ներկայացնելու համար մեզ եւ մեր մշակոյթը աշխարհին։ Թոյլ կուտայ մեր հայրենակիցներուն որ տեղեակ ըլլան մեր աշխատանքներուն Արեւմտեան Հայաստանէն ներս տեղի ունեցող իրադարձութիւններուն եւ այլն։

2․Լեզուի պահպանումն ու արեւմտահայերէնի լեզուամշակութային հարստութեան ներկայացումը։

3․Բացի արեւմտահայերէնէ, մեր լրահոսին եւ կայքին մէջ կան բազմաթիւ լեզուներով հաղորդումներ, որոնց նպատակը նախ մեր հայրենիքի ոչ հայախօս բաւական մեծ թիւ կազմող հատուածին լրատւութիւն հրամցնելն է։ Նաև տարագիր հայութեան այն սերունդներուն, որոնք հեռացեր կամ մոռցեր են իրենց արմատները, օտար լեզուներով անոնց հետ հայրենիքի կապի վերահաստատումն է։

4․Շուտով մեր հեռուստաեթերով մեր հաղորդումներուն կ’աւելնան քաղաքական վերլուծական եւ մշակութային նոր  հետաքրքիր ծրագիրներ։ Կ’ըլլան հաղորդումներ, որոնց ժամանակ կը ներկայացնենք բուն Արեւմտեան Հայաստանի մէջ ապրող մեր քաղաքացիները, անոնց առօրեան։

5․Տուեալ պահին դեռ կազմաւորման փուլի մէջ գտնուող մեր հեռուստատեսութիւնը եւ մեր պատրաստած նիւթերը բաւական մեծ արձագանք կը գտնեն թէ՛ Արեւմտեան Հայսատանի մէջ եւ թէ՛ անկէ դուրս։ Ի հարկէ,  կարծիքները դրական են, բայց եւ այնպէս մենք շատ աշխատանք ունինք ընելու, որպէսզի մեր պատրաստած տեղեկատւութիւնը Ձեզի ներկայացուող մշակութային եւ պատմական հաղորդումները ստանան նոր որակ։ Անընդհատ կատարելագործումը մեր ամենօրեայ աշխատանքի հիմնքն է։

Անշու՛շտ, ունինք  բոլորիդ աջակցութեան կարիքը, որ այս ձեռնարկը  հասցնենք յաղթական բարձունքի։ Թոյլ տուէք հաւաստիացնել մեր հայրենակիցներուն, որ Արեւմտեան Հայաստանի պետական  հեռուստատեսութիւնը յետագային եւս պատուով կրէ իր ստանձնած առաքելութիւնը։

Input your search keywords and press Enter.