2019 Նախագահական Մաղթանքները

Տիկնայք, Պարոնայք, Յարգելի Հայրենակիցներ,

Յենուելով ազգային եւ միջազգային հետեւեալ հանգամանքներուն վրայ

ա) Մեր կարոյցի դէմ կատարուած սադրանքներուն եւ յեղաշրջման փորձերու փաստերուն դիմաց մեր պետական համակարգի կայունութեան,

բ) Մեր հայրենիքի Թիւրքիոյ կողմէ բռնագրաւուած ըլլալը եւ Միջին Արեւելքի տարածքին այսօր չյայտարարուած պատերազմի կարգավիճակի ազդեցութիւնը մեր ժողովուրդի գոյութեան,

գ) Արեւմտեան Հայաստանի Հայ ժողովրդի դէմ կատարուած ցեղասպանութեան, եւ իր որպէս հայ ապրելու իրաւունքի ժխտողականութեան շարունակականութեան, այն աստիճան, որ նոյնիսկ մեզ մահուան դատապարտեցին,

դ) Մեր հայրենակիցներուն աշխարհի չորս կողմերը ցրուած ըլլալուն,

Կ՛ուզեմ որ վստահ ըլլաք, մեր դիրքերը պարզ են եւ պինդ,

Հայ ժողովուրդի միասնականութեամբ՝ այս բոլոր յանցագործութիւնները կ’ունենան համարժէք պատասխանը:

Սիրելի հայրենակիցներ,

Ինչպէս ընդունուած է ամեն տարի, թոյլ տուէք ինծի, որ Հայ ժողովրդին եւ մեր բոլոր քաղաքացիներուն մաղթեմ յաջողութիւն, կամք եւ կորով, յանուն մեր իրաւունքներուն եւ հայրենատիրութեան, պահանջատիրութեան խնդիրի արդարացի լուծման, հիմք ընդունելով այն փաստը, որ մենք բնիկ ազգ ենք, ժողովուրդն ենք մեր հայրենիքի, նաեւ այսպիսի փաստեր,

Յունուար

2018 թ.-ի 12 Յունուարին — ՆշեցինքՌուսական հռչակագիրի հարիւրամեակը, որով ճանչցուեցաւ Արեւմտեան Հայաստանի հայութեան ինքնորոշման իրաւունքը, մինչեւ անոր անկախութեան հասնիլը, հաստատւած 29 Դեկտեմբեր 1917 թ.-ին (11 Յունուար 1918 թ.-ին):

2018թ.-ի 19 Յունուարին Նշեցինք Արեւմտեան Հայաստանի Հանրապետութեան Անկախութեան 98-րդ տարեդարձը:

Փետրուար

2018թ.-ի 01 Փետրուարին Արեւմտեան Հայաստանի Հանրապետութեան  Ազգային Ժողովի (Խորհրդարանի) պատգամաւորական ընտրութիւններուն համար գրանցեցինք առաջին թեկնածուն:

2018 թ.-ի 04 Փետրուարին նշեցինք Արեւմտեան Հայաստանի Հանրապետութեան Կառավարութեան ստեղծման 7-րդ տարեդարձը:

Մարտ

2018թ.-ի Մարտ 19-էն 21-ը նշեցինք Արեւելեան եւ Հայկական Լէգիոնի ստեղծման հարիւրամեակը, ի յիշատակ’ հայ կամաւորներուն որ ինկան պատուոյ դաշտին վրայ, եւ նշեցինք Արեւմտեան Հայաստանի Հայոց նոր տարին:

Ապրիլ

2018 թ.-ի 24 Ապրիլին Նշեցինք, 1894-էն միչեւ 1923 թ. Արեւմտեան Հայաստանի գրաւուած տարածքներէն ներս բնիկ հայ ժողովուրդին դէմ թրքական երեք յաջորդական կառավարութիւններուն կողմէ իրագործուած Ցեղասպանութեան յիշատակը:

Մայիս

2018 թ.-ի 24 Մայիսին Նշեցինք Արեւմտեան Հայաստանի Ազգային ժողովի (Խորհրդարանի) ձեւաւորման 5-րդ տարեդարձը:

Յունիս

2018 թ.-ի 24 Յունիսին Արեւմտեան   Հայաստանի   Հանրապետութիւնը նշեց Սեւրի Դաշնագիրն իր կողմէ վաւերացնելու 2-րդ տարեդարձը:

Յուլիս

2018թ.-ի 13 Յուլիսին Մասնակցեցանք Միացեալ Ազգերու Կազմակերպութեան (ՄԱԿ) Համագումարին՝ Բնիկ ժողովուրդներու իրաւունքներուն վերաբերեալ:

Օգոստոս

2018 թ.-ի 4 Օգոստոսին Նշեցինք Կիլիկիոյ Անկախութեան Յայտարարութեան 98-րդ տարեդարձը:

2018 թ.-ի 4 Օգոստոսին Նշեցինք Կիլիկիոյ Հայերու Ազգային Խորհուրդի վերահիմնադրման առաջին տարեդարձը:

2018 թ.-ի 10 Օգոստոսին Նշեցինք Սեւրի Դաշնագիրի ստորագրութեան 98-րդ տարեդարձը:

2018 թ.-ի 05 Սեպտեմբերին Յարգանքի տուրք մատուցեցինք  Անահիտ Ժաննին Աբրահամեան-ին

2018թ.-ի 05 Հոկտեմբերին  որոշում առինք, որ Արեւմտեան Հայաստանի Ֆուտբոլի ազգային հաւաքականը 2019 թ.-ի Յունիսին մասնակցի Արցախի մէջ կայանալիք Եւրոպայի գաւաթի մրցաշարին:

2018 թ.-ի 06 Հոկտեմբերին Նախագահական 2018.10.06 թուակիր Թիւ 49 Հրամանագիրով Հաստատեցինք — Շահնուր Վաղինակի Ազնաւուրեանը (Շառլ Ազնաւուրը) որպէս Հայաստանի համար «Արդարադատ գործիչ» պատուելու Օրէնքը:

2018 թ.- ի 19 Հոկտեմբերին Ներկայացուցինք Արեւմտեան Հայաստանի դիրքորոշումը Արցախի հարցին:

2018 թ.-ի 02 Նոյեմբերին Նախագահական 2018.10.30 թուակիր Թիւ 50 Հրամանագիրով  Հաստատեցինք — Արեւմտեան Հայաստանի Հանրապետութեան Նախագահական Խորհուրդի կազմէն ներս կատարուած փոփոխութիւնը, որով Ազգային Անվտանգութեան Խորհուրդի քարտուղարի պաշտօն աւելցաւ:

2018 թ.-ի 11 Նոյեմբերին Յարգանքի տուրք մատուցեցինք հայ ժողովուրդի մեծագոյն զաւակներ Պօղոս Նուպար-Փաշայի եւ Անդրանիկ Օզանեանի յիշատակին՝ Փարիզի  Պէր Լա Շէզ գերեզմանատան մէջ գտնուող անոնց շիրիմներուն առջեւ:

Այցը կայացաւ Առաջին համաշխարհային պատերազմի աւարտի 100-ամեակի միջոցառումներուն առիթով: 

2018թ.-ի 22 Նոյեմբերին Կազմակերպեցինք Արեւմտեան Հայաստանի Հանրապետութեան Ազգային Ժողովի (Խորհրդարանի) օրէնսդիր մարմնի պատգամաւորներու ընտրութիւնները եւ Նշեցինք ԱՄՆ-ի նախագահ Վուդրօ Ուիլսոնի իրաւարար Վճիռի 98-րդ տարեդարձը:

2018 թ.-ի 28 Նոյեմբերին Նշեցինք Արեւելքի լեգեոնի կողմեն Կիլիկիոյ ազատագրութեան 100-րդ տարեդարձը:

2018 թ.-ի 30 Նոյեմբերին Նախագահական 2018.11.30 թուակիր Թիւ 51 Հրամանագիրով՝ Հաստատեցինք Արեւմտեան Հայաստանի օրէնսդրական մարմինի պատգամաւորներու ընտրութիւններուն արդիւնքները հրապարակելու որոշումը, եւ ընդունեցինք կազմակերպել Արեւմտեան Հայաստանի Հանրապետութեան Ազգային Ժողովի (Խորհրդարանի) Երկրորդ գումարման Առաջին նստաշրջանը: 

2018 թ.- ի 17 Դեկտեմբերին մեր ուղերձը՝ Արեւմտեան Հայաստանի Ազգային Խորհուրդի 14-րդ տարեդարձին առիթով, ուր յիշեցուցինք, որ Արեւմտեան Հայաստանի Հանրապետութեան Սահմանադրութեան համապատասխան՝ Արեւմտեան Հայաստանի Ազգային Խորհուրդը պետական մարմիններու քաղաքական բաժինն է:

2018 թ.-ի 28 Դեկտեմբերին Հաստատեցինք Նախագահական 2018.12.28 թուականի Թիւ 52 – Հրամանագիրով — Արեւմտեան Հայաստանի Հանրապետութեան Պատուոյ Լէգիոնի՝ ասյինքն Պատուոյ Զօրագունդի Շքանշանը, որպէս պետական պատուաւոր պարգեւ:

Թող 2019 թուականը ըլլայ արդար եւ իմաստալից տարի:

Միասին 2019 թուականին  մեր  ամենօրեայ աշխատանքներուն զուգահեռ  պիտի ունենանք կարեւոր հանդիպումներ, նաեւ պիտի նշենք Արևւմտեան Հայաստանի պետութեան հարիւրամեակը՝ Վերսայլի խաղաղութեան Համաժողովի հարիւրամեակին հետ:

Թույլ տուէք որ, շնորհաւորեմ Հայրենիքի մէջ եւ Հայրենիքէն դուրս ապրող մեր հայրենակիցներու Նոր Տարին:

Կը Մաղթեմ Արեւմտեան Հայաստանի պաշտպանական ուժերուն, Միջին արեւելքի հայերուն եւ այլ բնիկ ժողովուրդներուն եւ փոքրամասնութիւներուն (Յոյներուն, Ասորիներուն, Եզդիներուն, Ալեւիներուն եւ Քրդերուն) ուժեղ դիմադրութիւն մինչեւ խաղաղութիւն, շուտով նորէն կը միանանք մեր հայրենիքին վրայ:

Մենք ամեն ինչ կ՛ընենք, որպէսզի 2019-թուականը ըլլայ վճռական և դրական փոփոխութիւններու տարի մեր նոր Ազգային Ժողովին միջոցով,

Արեւմտեան Հայաստանի Ազգային Խորհուրդի անդամներուն, Արեւմտեան Հայաստանի Հանրապետութեան Կառավարութեան անդամներուն, Ազգային ժողովի նորընտիր պատգամաւորներուն, եւ արտերկրի հայկական կառոյցներուն կը մաղթեմ արդիւնաւետ տարի, թող այդ դրական փոփոխութիւնը հիմք հանդիսանայ խորքային եւ ներդաշնակ գործունէութիւն իրականացնելու համար,

Ինչպէս միշտ՝ մենք ուժեղ կ՛ըլլանք միասնական, եւ նպատակասլաց՝ ազգային գերակայ խնդիրը լուծելու դժուարին ճանապարհին:

Թող 2019-թուականը ըլլայ արդար իրաւունքներու իրականացման տարի:

Եւս մէկ անգամ կը շնորհաւորեմ բոլորի Սուրբ Ծնունդն ու Նոր Տարին, եւ կը ցանկանամ գալիք տարին նորանոր յաջողութիւններ, նպատակներու եւ երազանքներու իրականացում:

Մեր Ազգը պայքարի մէջ է, բայց այս օրուան պայքարը մե՛ր սերունդի պայքարն է, կ՛ուզեմ ըսել, որ մեր Հաւատքով, Սիրով եւ Գիտակցութեամբ ինքնուրոյն որոշած պայքարն է,

Փառք մեր նախնիներուն, կեցցէ Արեւմտեան Հայաստանի Հանրապետութիւնը, կեցցէ մեր ժողովուրդը:

Դեկեմբեր 31, 2018թ.

Արմենակ Աբրահամեան

Արեւմտեան Հայաստանի Հանրապետութեան Նախագահ

Input your search keywords and press Enter.