ԱՄՆ-ի սենատորները կոչ կ՛ընեն ճանչնալու բռանգրաւուած Գոլանի բարձունքները որպէս Իսրայէլեան տարածք

ԱՄՆ-ի սենատոր Թեդ Քրուզը եւ  Արկանզասէն սենատոր Թոմ Քութոնը համատեղ յայտարարութիւն ըրեր են` կոչ ընելով Ուաշինգտոնին ճանչնալու Իսրայէլի պահանջները՝ Գոլանի բարձունքներու գերիշխանութեան վերաբերեալ: Երկու սենատորները շեշտեր են, որ տարածքը կարեւոր դեր կը խաղայ Իսրայէլը Իրանէն եւ անոր դաշնակիցներէն պաշտպանելու գործին:

«Իրանի եւ իր վսատհուած անձերուն կողմէ սպառնալիքներուն արձագանքելը կը պահանջէ, որ Իսրայէլը յարձակումներէն կարողանայ պաշտպանել իր տարածքն ու  քաղաքացիները։ Իսրայէլի ինքնապաշտպանութեան իրաւունքը պահպանելու համար՝ Ուաշինգտոնը պէտք է քայլ ընէ Իսրայէլի ինքնիշխանութիւնը Գոլանի Բարձունքներուն հաստատելու համար», կ՛ըսուի յայտարարութեան մէջ:

Սենատորները անցյալին նմանատիպ միջոցներ առաջարկեր են ոչ պարտադիր բանաձեւի միջոցով, որ կոչ կ՛ընէր ճանչնալու Իսրայէլի պահանջները Գոլանի բարձունքներուն վերաբերեալ:

Իսրայէլի վարչապետ Բենիամին Նաթանիահուն հրաւիրեր է ԱՄՆ-ի ազգային անվտանգութեան հարցերով խորհրդական Ջոն Բոլթոնին՝ այցելելու Գոլանի բարձունքներ եւ տեսնելու թէ ինչու այն կարեւոր է Թել-Աւիւի համար, որ բոլոր երկիրները ճանչնան բռնագրաւուած տարածքի նկատմամբ ինքնիշխանութիւնը: Բոլթոնը ժամաներ է Իսրայէլ՝ քննարկելու Սուրիայէն ԱՄՆ-ի զօրքերու դուրսբերման հարցը, եւ աջակցութիւն ցուցաբերելու Իսրայէին։

2018 թ․-ի ՄԱԿ-ի գլխաւոր համագումարի բանաձեւը կոչ ըրեր էր Իսրայէլին՝ անմիջապէս դուրս բերել իր ուժերը Գոլանի բարձունքներէն։

Input your search keywords and press Enter.