Վանը, Կարսն ու Համշէնը ընդգրկուեր են ձմեռային զբօսաշրջային ամենակարեւոր ուղղութիւններու ցանկին մէջ

Ձմեռային զբօսաշրջութեան ամենակարեւոր ուղղութիւններուն շարքը գլխաւորեր է Վանի Ախթամար կղզին իր հայկական Սուրբ Խաչ եկեղեցիով:

mynet.com կայքին կազմած վարկանիշային ցուցակին՝ զբօսաշրջիկներուն  ամենաշատ խորհուրդ կը տրուի անպայման այցելել Ախթամար։ Կղզիին մէջ զբօսնելով, այցելուները կրնան զարմանալ տեղի գեղեցկութեամբ ու պատմական մասունքներով:

«Ախթամարի Սուրբ Խաչ եկեղեցին միջնադարեան հայկական ճարտարապետութեան լաւագոյն օրինակներէն է», — կը գրեն mynet.com կայքով հրապարակուած նիւթի հեղինակները՝ շեշտելով, որ ձմեռը ձիւնի ծածկին տակ արտառոց գեղեցիկ է նաեւ Վանի Արտոս լեռը:

Նոյն վարկանիշային ցուցակի երկրորդ տեղը զբաղցուցած է պատմական Համշէնը, աւելի յստակ՝  Ռիզէ նահանգի Չամլըհէմշին շրջանին գտնուող Այդէր հովիտը:

Ցուցակին մէջ յայտնուեր է նաեւ Կարսը, Բայազէտը։

Input your search keywords and press Enter.