Ֆրանկոֆոնիայի Միջազգային Կազմակերպութեան գլխաւոր քարտուղարը Հայաստանի հետ սերտօրէն համագործակցելու պատրաստակամութիւն յայտնած է

Ֆրանկոֆոնիայի միջազգային կազմակերպութեան գրասենեակին մէջ այսօր՝ Յունուարի 10-ին, կայացեր է ՖՄԿ-էն ներս ՀՀ-ի ներկայացուցիչ դեսպան Քրիստիան Տէր-Ստեփանեանի եւ կազմակերպութեան գլխաւոր քարտուղար Լուիզ Մուշիկիւաբոյի հանդիպումը: Ասոր մասին NEWS.am-ը կը տեղեկանայ ՀՀ Արտաքին Գործոց Նախարարութեան լրատւութեան եւ հանրային դիւանագիտութեան վարչութենէն։

Շնորհաւորելով Լուիզ Մուշիկիվաբոյին գլխաւոր քարտուղարի պաշտօնն ստանձնելուն առիթով` ՀՀ-ի ներկայացուցիչը վերահաստատեր է Հայաստանի Հանրապետութեան եւ անձամբ իր աջակցութիւնը անոր առաքելութեան իրականացման ընթացքին:

Հանդիպման ժամանակ ՀՀ-ի ներկայացուցիչն անդրադարձեր է Հայաստանի եւ ՖՄԿ-ի միջեւ համագործակցութեան, յատկապէս` Երեւանի գագաթնաժողովին ընդունուած որոշումներու եւ Գագաթնաժողովի նախագահ Հայաստանի ստանձնած նախաձեռնութիւններու իրականացման: Ի պատասխան՝ գլխաւոր քարտուղարը յայտներ է Հայաստանի հետ սերտօրէն աշխատելու իր պատրաստակամութիւնը` վերոնշեալ որոշումներն եւ նախաձեռնութիւնները իրականացնելու համար, ինչպէս նաեւ՝ ՖՄԿ-ի 50-ամեակի միջոցառումը Հայաստանի հետ համատեղ կազմակերպելու համար:

Input your search keywords and press Enter.