Քաշաթաղի հարաւային թեւին նոր խոշոր ներդրումային ծրագիր կ՛իրականացուի. Արայիկ Յարութիւնեան

Արցախի առաջատար՝ «Ազատ հայրենիք» կուսակցութեան նախագահ Արայիկ Յարութիւնեանն իր ֆէյսբուքեան էջին հանդէս եկեր է ուշագրաւ գրառումով, ուր մասնաւորապէս նշեր է, որ Քաշաթաղի շրջանի հարաւային թեւին նոր խոշոր ներդրումային ծրագիր կ՛իրականացուի:

«Սիրելի՛ հայրենակիցներ

Այս տարի Քաշաթաղի շրջանի հարաւային թեւին՝ վերջին տարիներուն մեր ամենածաղկող համայնքներէն մէկուն՝ Իշխանաձորի մէջ, ծխախոտի մթերման համար չորանոցներ կը կառուցուին: Քանի մը միլիոն ԱՄՆ-ի դոլարի հասնող ներդրումային այս ծրագիրին շուրջ համաձայնութիւնը ձեռք բերեր ենք օրեր առաջ՝   «Գրանդ հոլդինգ» ընկերութեան սեփականատէր Միքայէլ Վարդանեանին հետ կայացած հանդիպման ընթացքին:

Կը կարծեմ՝ Քաշաթաղի հարաւային թեւին, ուր առկայ են մեծաքանակ բերրի հողատարածքներ, ոռոգման ջուր եւ բարենպաստ կլիմայեական պայմաններ՝ ծխախոտագործութիւնը մեծ հեռանկարներ ունի: Իսկ տարեցտարի բնակչութեան բնական եւ մեքենայական աճ գրանցող համայնքին համար բնական է, որ նոր աշխատատեղերու, լրացուցիչ եկամուտներ ապահովող հնարաւորութիւններու ստեղծման անհրաժեշտութիւնը շատ մեծ է: Ի դէպ, արեւադարձային տարբեր բոյսերու աճեցման յաջող փորձ ունեցող Իշխանաձորցիներու եւ տարածաշրջանի բնակչութեան համար՝ մշակաբոյսը նոր է, բայց, համոզուած եմ, որ ճիւղն աւելի քան եկամտաբեր պիտի ըլլայ»:

Input your search keywords and press Enter.