ԱՄՆ-ը սկսեր է ռազմական սարքերու դուրս բերումը Սուրիայէն. CNN

Միացեալ Նահանգներու զինուած ուժերուն պատկանող ցամաքային ռազմական սարքերուն մէկ մասը վերջին քանի մը օրուան ընթացքին դուրս բերուեր է Սուրիայէն՝ ազդարարելով Սուրիայէն հեռանալու վերաբերեալ նախագահ Դոնալդ Թրամփի յայտարարած ծրագիրի մեկնարկը: Ասոր մասին կը յայտնէ CNN-ը՝ բուն գործողութեան մօտիկ կանգնած պաշտօնական աղբիւրին յղումով:

 

«Բեռներուն մէկ մասը արդէն տեղափոխուեր է»,- CNN-ին յայտներ է աղբիւրը՝ անվտանգութեան նկատառումներով խուսափելով յստակեցնել՝ թէ ի՞նչ տեսակ բեռի մասին է խօսքը, եւ թէ ինչ ճանապարհով տեղափոխուեր է այն:

Ան նաեւ չէ ըսած, թէ Սուրիոյ ո՞ր հատուածէն տեղափոխուեր է այն: Սակայն կ՛ենթադրուի, որ Ամերիկեան իշխանութիւնները ռազմական սարքերու դուրսբերումը սկսած ըլլան երկրի հիւսիսէն:

CNN-ը կը յիշեցնէ, որ Սուրիայէն ԱՄՆ-ի զօրքու եւ ռազմական սարքերու դուրսբերման որոշումը Դեկտեմբերի 31-ին ստորագրեր է Պենտագոնի նախկին ղեկավար Ջէյմս Մեթիսը՝ իր պաշտօնը լքելէն որոշ ժամանակ առաջ:

Աւելի վաղ յայտարարուեր էր, որ Թրամփը համաձայներ է դանդաղցնել զօրքերու դուրս բերումը՝ գործընթացն առաւել ճիշտ կազմակերպելու համար:

Input your search keywords and press Enter.