Անի այցելող զբօսաշրջիկներուն թիւը եռապատկուեր է

Որպէս «Աշխարհի քաղաք», «Քաղաքակրթութիւններու օրրան», «Հազար ու մէկ եկեղեցիներու քաղաք» եւ «քառասուն դարպասներու քաղաք» յայտնի Անին կը գրաւէ ու կը հիացնէ աշխարհի բոլոր կողմերէն եկած հիւրերը։ Մասնաւորապէս մեծ է «Արեւելեան էքսպրես» («Doğu Ekspres») կոչուող Անկարա — Կարս երկաթուղիով Անի ժամանող զբօսաշրջիկներուն հոսքը:

«Արեւելեան էքսպրեսով» Կարս եկած զբօսաշրջիկներէն Մերվէ Քարաջան կը նշէ, որ շատ կը հաւնի Կարսը, եւ կը ցանկայ նորէն այցելել։

Անին առաջին անգամ այցելող զբօսաշրջիկները ափսոսանք կը յայտնեն, որ աւելի վաղ չեն եղած այստեղ եւ կոչ կ՛ընեն բոլորին՝ այցելելու Անի։ Զբօսաշրջիկներուն յատկապես կը հիացնեն Անիի Մայր տաճարն ու Ամենափրկիչ եկեղեցին, Տիգրան Հոնենցի եկեղեցին, Աբլղարիբ Պահլաւունիի եկեղեցին։

Կարսի Արփաչայ շրջանի հարեւանութեամբ գտնուող Անին 961-1045 թթ․-ուն եղեր է Բագրատունիներու մայրաքաղաքը։ Անիի առաջին բնակիչներուն մասին վկայութիւնները կը վերաբերին մ․թ․ա․ երրրորդ հազարամեակին։ Պատմական քաղաքը տարբեր ժամանակներ գտնուեր է Սասանեաններու, Շադադեաններու, վրաց աթաբեկներու, Խորեզմի (Հարզեմշահ) պետութեան, սէլջուկներու, մոնկոլներու, կարակոյունլուներու, ակկոյունլուներու, օսմանեան եւ ռուսական կայսրություններու տիրապետութեան ներքոյ։

Անիի աւերակները 2012թ․-ին ներառնուեր են ՅՈՒՆԵՍԿՕ-ի համաշխարհային մշակութային ժառանգութեան ժամանակաւոր ցանկին մէջ, իսկ 2016թ․-ի Յուլիս 15-ին՝ ՅՈՒՆԵՍԿՕ-ի համաշխարհային մշակութային ժառանգութեան ցանկին մէջ։

Արեւմտեան Հայաստանի կողմից Սեւրի Դաշնագրի վավերացումից հետո (24 Յունիս 2016 թ.)։ 

Input your search keywords and press Enter.