Օրբանը աւելի քան երբեւէ դէմ է ներգաղթային քաղաքականութեան

Հունգարիոյ վարչապետ Վիկտոր Օրբանը, ֆրանսայի առաջնորդին նախազգուշացնելով ըսեր է, «Ես պէտք է կռուիմ ձեզի հետ», եւ խոստացեր է դիմակայել Էմանուէլ Մակրոնի գլխաւորած «ներգաղթի համար բարենպաստ Եւրոպական ուժերուն», — կը հաղորդէ The Daily Express Բրիտանական թերթը:

Լրագրողներու հետ ունեցած հանդիպման ժամանակ Հունգարացի պաշտօնեան յայտարարեր է․ «Չենք կրնար հերքել այն փաստը, որ Էմանուէլ Մակրոնը կարեւոր անձնաւորութիւն է, բայց ան նաեւ ներգաղթային քաղաքականութեան առաջնորդն  է»։

«Եթէ ներգաղթի հետ կապուած անոր ցանկութիւնները կեանքի կոչուին Եւրոպայի մէջ, ապա այդ վատ կ’ըլլայ Հունգարիոյ համար, ուստի ես պէտք է պայքարիմ այդ երեւոյթին դէմ»։

Օրբանը յայտարարեր է, որ անոր ցանկութիւնը հականերգաղթային կուսակցութիւններու ընտրութիւններուն մեծամասնութիւն ունենալն է։ Ան յոյս յայտներ է, որ այդ փոփոխութիւնը առաջին քայլը կ’ըլլայ  Եւրոպական Միութեան քաղաքականութեան փոփոխութեան ուղղութեամբ:

Այս նպատակին հասնելու հեռանկարները ներկայացնելով, ան շեշտեր է, որ Հունգարիոյ նպատակը Եւրոպական խորհրդարանին մէջ հականերգաղթային կուսակցութիւններու մեծամասնութիւնն ապահովելն է, իսկ յետոյ նաեւ Եւրոպական յանձնաժողովին մէջ։

Օրբանը նաեւ նշեր է որ, նոր ղեկավարներու ընտրուելէն ետք,  հզօր Եւրոպական խորհուրդը յետագային կրնայ փոխել ներգաղթի դէմ Եւրոպական Միութեան քաղաքականութիւնը։

Input your search keywords and press Enter.