ՊԲ-ն իրականացուցեր է երկրի եւ ժողովուրդի պաշտպանութեան ապահովման իր առաքելութիւնը. Բակօ Սահակեան

Արցախի Հանրապետութեան Նախագահ Բակօ Սահակեանը Ստեփանակերտի մէջ մասնակցեր է Պաշտպանութեան բանակի ռազմական խորհուրդի նիստին՝ նուիրուած 2018 թուականի արդյինքներու ամփոփման եւ 2019 թուականի ընելիքներուն:

Ասոր մասին կը յայտնեն Արցախի նախագահի աշխատակազմէն։

Երկրի ղեկավարն անդրադարձեր է 2018 թուականին բանակաշինութեան ոլորտէն ներս կատարուած աշխատանքներուն, յանձնարարականներ տուեր է 2019 թուականին նախատեսուած ծրագիրներու պատշաճ իրականացման ուղղութեամբ:

Ան ընդգծեր է, որ Պաշտպանութեան բանակը յուսալիօրէն իրականացուցեր է երկրի եւ ժողովուրդի պաշտպանութեան ու անվտանգութեան ապահովման իր առաքելութիւնը, անառիկ պահեր է պետութեան սահմանները, կարեւոր ներդրում ունեցեր է տարածաշրջանի կայունութեան ու խաղաղութեան պահպանման գործին։

Խօսելով 2019 թուականի ընելիքներուն մասին՝ Բակօ Սահակեանն ըսեր է, որ պետութիւնը մշտապէս առանձնայատուկ ուշադրութեան կեդրոնին պիտի պահէ բանակաշինութեան խնդիրները, զինուած ուժերու մարտունակութեան հետեւողական բարձրացումը, զինծառայողներու ընկերա-կենցաղային խնդիրներուն լուծումը:

Input your search keywords and press Enter.