Աշխատանքային այցով Ռուսաստանի Դաշնութիւն գացած վարչապետ Նիկոլ Փաշինեանն այցելեր է Եւրասիական տնտեսական յանձնաժողովի կեդրոնակայան: Ինչպէս կը յայտնեն ՀՀ վարչապետի աշխատակազմէն՝ Նիկոլ Փաշինեանը ԵՏՀ-ի մէջ հանդէս եկած է ելոյթով` 2019թ.-ին ԵԱՏՄ-ի նախագահութիւնը Ռուսաստանէն Հայաստանին անցնելու կապակցութեամբ:

Ան նշեր է, որ անցած տարիներուն ընթացքին Եւրասիական տնտեսական միութիւնն ապացուցեց իր կայացած ըլլալը. հիմնական տնտեսական ցուցանիշներուն արձանագրուեր է դրական զարգացում, Եւրասիական համատեղման բազմաթիւ ուղղութիւններով կայացեր են կարեւորագոյն որոշումներ:

Նշելով, որ 2019 թուականի Յունուար 1-էն Հայաստանի Հանրապետութիւնը ստանձնեց Եւրասիական տնտեսական միութեան մարմիններու` Եւրասիական տնտեսական բարձրագոյն խորհեւրդի, Եւրասիական միջկառավարական խորհուրդի եւ Եւրասիական տնտեսական յանձնաժողովի խորհուրդի նախագահութիւնը, Նիկոլ Փաշինեանը փաստեր է, որ վերջին 5 տարիներուն ընթացքին Եւրասիական տնտեսական միութիւնը կայացեր է որպէս յաջող համագործակից միութիւն, եւ հակառակ առաջին տարիներու դժուարութիւններուն, ներկայիս ցոյց կուտայ առեււտրային ու տնտեսական յարաբերութիւններու կառուցուածքի սերտաճման եւ փոխադարձ առեւտուրի համոզիչ աճ:

Ան նշեր է, որ բոլոր անդամ պետութիւնները պէտք է ամեն ջանք գործադրեն, որպէսզի շարունակեն եւ աշխուժացնեն ԵԱՏՄ-ի հիմնարար զարգացումը:

Կարեւոր է շարունակել երրորդ երկիրներու եւ միութիւններու հետ ԵԱՏՄ առեւտրատնտեսական յարաբերութիւններու զարգացումը: Իրանի եւ Չինաստանի հետ համապատասխան համաձայնագիրներու իրականացումը, եւ Սինգապուրի, Սերբիայի, Եգիպտոսի, Իսրայէլի եւ Հնդկաստանի հետ բանակցութիւններու աիարտը կրնայ լրացուցիչ խթան հանդիսանալ միութեան՝ համաշխարհային տնտեսութեան մէջ ներգրաւման գործընթացին համար:

Input your search keywords and press Enter.