Նիկոս Լիգերոսը որպէս Արեւմտեան Հայաստանի Հանրապետութեան Սահմանադրական խորհուրդի նախագահ

« Աշխարհին կ’իշխէ ներդաշնակութիւնը, եւ թէեւ ֆրանսան իմ ծննդավայրս է, Հայաստանի մէջ են արմատներս։ Այսօր աւելի քան երբեւէ’ անոնք կը յիշեցնեն ինծի ատոր մասին» ։

Նիկոս Լիգերոսը ծներ է 1968թ․-ի Ապրիլ 30-ին։ Ան մաթեմատիկոս եւ ռազմավարական խորհրդատու է։ Անոր գործունէութիւնը առհասարակ կապուած է  յունական եւ կիպրական պետութիւններուն հետ:

Պրոֆեսորը հրաւիրուեր է՝

— Թրակիոյ համալսարան (Մանկավարժութեան ամբիոնի պատմութեան եւ մաթեմատիկական փիլիսոփայութեան ղեկավար),

— Աթէնքի համալսարան (սոցիոլոգիայի ամբիոնի բիոէթիկայի, իմացաբանութիւն եւ կիբեռնետիկայի դասընթացներու ղեկավար),

— Քսանթիի պոլիտեխնիկական դպրոց (ռազմավարական կառավարման դասընթացներու ղեկավար),

— Յունաստանի Ազգային անվտանգութեան դպրոց (տեղեկատւութեան բաժինի մաթեմատիկական դասընթացներու ղեկավար)

Յունաստանի ոստիկանական ակադեմիայի պրոֆեսոր (Բալկանեան աշխարհառազմավարութեան դասընթացներու եւ յունական պաշտպանութեան քաղաքականութեան ղեկավար)

Յունաստանի Ազգային անվտանգութեան դպրոցի պրոֆեսոր  (խաղերու ռազմավարութեան եւ տեսութեան դասընթացներու ղեկավար)

Նիկոս Լիգերոսը նաեւ լեզուաբան է, բանաստեղծ, թատերագիր, երաժշտական ստեղծագործութիւններու հեղինակ, երգահան, բեմադրիչ, ինչպէս նաեւ IQ թեստերու ստեղծող։

Ան ստեղծեր է «Ալտրուիզմ» հիմնադրամը, որ կ’օգնէ փախստականներուն Մարդու իրաւունքներու Եւրոպական դատարան դիմումներ ներկայացնելու հարցով: Ան կը  մասնակցի բազմաթիւ գիտաժողովներու, հարցազրոյցներու եւ ասուլիսներու՝ մասնաւորապէս Հայերու դէմ ցեղասպանութեան նիւթով:

2018-ին նշանակուեր է Արեւմտեան Հայաստանի Հանրապետութեան Սահմանադրական խորհուրդի նախագահ:

2019 թուականի Յունուար 28-էն ան վերընտրուեր է որպէս Սահմանադրական խորհուրդի նախագահ հինգ տարի ժամկէտով Արեւմտեան Հայաստանի Հանրապետութեան Նախագահ Արմենակ ԱԲՐԱՀԱՄԵԱՆԻ կողմէ։

Input your search keywords and press Enter.