Մեծարգոյ Պարոն Նախագահ

 Արեւմտեան Հայաստանի Հանրապետութեան, Ազգային Ժողովի–Խորհրդարանի եւ անձամբ իմ անունով ի սրտէ կը շնորհավորեմ Ձեզ որպէս Արեւմտեան Հայաստանի Հանրապետութեան   նորընտիր Նախագահ։

Ինչպէս գիտենք, 17  Դեկտեմբեր 2004 թուականին, Շուշիի մէջ հիմքը դրիք Արեւմտեան Հայաստանի  Ազգային Խորհուրդին։

Այն Ազգային խորհուրդին, որ տարիներ յետոյ դարձաւ Արեւմտեան Հայաստանի Հանրապետութեան հիմքը։

Հայոց  պետականութեան յաջող ձեւաւորման վկայութիւնն է եւ անկախութեան ճանապարհին մեր ժողովուրդի դարաւոր իղձերու արտացոլումը:

Միասնաբար իրականացուցեր էք  հայ ժողովուրդի միասնական պայքարին սկիզբը։

Բազմազան  կապերու ընդլայնման քաղաքականութեամբ ամրապնդեր էք պետութեան հեղինակութիւնը միջազգային ասպարէզէն ներս եւ գործընկերային յարաբերութիւններ կառուցուեր է օտար պետութիւններու հետ:

Մենք մեծ գոհունակութեամբ ընկալեցինք այն լուրը, որ Դուք հասեր էք ՄԱԿ-ի Բնիկ Ժողովուրդներու Յանձնաժողով։ Առաջին անգամն է, որ հայ ազգը կը հաստատէ իր բնիկութիւնը, որպէս Հայկական Լեռնաշխարհի բնիկ զաւակներ։

Անկախ Արեւմտեան Հայաստանի կարեւորագոյն նուաճումներէն մէկը պէտք է ըլլայ  հզօր բանակի ստեղծումը, որն ունակ ըլլայ անսասանօրէն պաշտպանելու Արեւմտեան Հայաստանի Հանրապետութեան եւ տարագիր հայերու  անվտանգութիւնը եւ ետ մղէ որեւէ անսպասելի յարձակում: Եւ այդ նուաճումներուն մէջ անվիճելի է անձամբ Ձեր վաստակը:

Մենք այսուհետեւ եւս պիտի օժանդակենք Արեւմտեան Հայաստանի ռազմավարական   յետագայ զարգացմանն ուղղուած Ձեր ջանքերուն, որոնք հիմնուած են փոխադարձ յարգանքի մերձաւորութեամբ։  

Արեւմտեան Հայաստանի Հանրապետութեան Ազգային Ժողովի – Խորհրդարանի Պադգամաւորներու անունով Ձեզի կը ցանկամ անկոտրում պայքարի կամք, յանուն Արեւմտեան Հայաստանի Հանրապետութեան եւ յանուն հայ ազգին։

Հաւատացէք, պարոն Նախագահ, որ մենք այսուհետեւ  պիտի համախմբուինք ազգային շահերու պաշտպանութեանն ուղղուած Ձեր քաղաքականութեան։  

Ձեզի եւ Արեւմտեան Հայաստանի բոլոր քաղաքացիներուն կը մաղթեմ յաջոութիւններ, համակարգի կայուն զարգացում  եւ մեր հայրենիքին բարօրութիւն :

Խորին  յարգանքներով

Աղուան ՏՕՆԱԿԱՆԵԱՆ

Արեւմտեան Հայաստանի Հանրապետութեան Ազգային ժողովի (Խորհրդարանի) Նախագահ

Input your search keywords and press Enter.