Գործադիրը հաստատեց ՀՀ կառավարութեան ծրագիրը եւ զայն կը ներկայացնէ Ազգային Ժողով

ՀՀ կառավարութիւնն այսօր արտահերթ նիստով հաստատեց կառավարութեան ծրագիրը եւ զայն օրէնքով սահմանուած կարգով կը ներկայացնէ Ազգային ժողով:

Հայաստանի Հանրապետութեան կառավարութեան ծրագիրը կը ներառնէ հետեւեալ բաժինները. Հայաստանի Հանրապետութեան կառավարութեան գործունէութեան հիմնարար ուղենիշները, արտաքին եւ ներքին անվտանգութեան ապահովումը, պայքար կաշառակերութեան դէմ, ազատ, արժանապատիւ եւ երջանիկ քաղաքացի,

մրցունակ, մասնակցային և ներառական տնտեսութիւն, տարածքային կառավարում, տեղական ինքնակառավարում եւ ենթակառուցուածքներ, բարձր տեքնոլոգիաներ, թուայնացում եւ ռազմարդիւնաբերութիւն, պետական ֆինանսներու կառավարում:

ՀՀ վարչապետ Նիկոլ Փաշինեանը նշեց. «Մեր հայեցակարգային պատկերացման համար անկիւնաքարային մեծ նշանակութիւն ունի հետեւեալը՝ մենք հռչակեր ենք տնտեսական յեղափոխութեան հայեցակարգը ու կ՛ազդարարենք տնտեսական յեղափոխութեան մեկնարկը»:

Ըստ օրէնքի՝ Ազգային ժողովը Կառավարութեան ծրագիրին հաւանութիւն պիտի տայ եօթնօրեայ ժամկէտի մէջ` պատգամաւորներու ընդհանուր թիւի ձայներու մեծամասնութեամբ:

Input your search keywords and press Enter.