Այս տարի Արցախի կառավարութիւնը պիտի սկսի նախագծային աշխատանքներ Կովսական-Կապան մեքենաճանապարհի կառուցման համար

Արցախի Հանրապետութեան պետական նախարար Գրիգորի Մարտիրոսեանի ղեկավարած կառավարական պատուիրակութիւնը Փետրուարի 7-ին աշխատանքային այցով մեկներ է Քաշաթաղի շրջանի հարաւային թեւի քաղաքային եւ գիւղական համայնքներ։

Միջնաւան քաղաքին մէջ Գ․ Մարտիրոսեանը ծանօթացեր է նախկին բնակֆոնդին մէջ առկայ շէնքերէն մէկու հիմքին վրայ նոր բազմաբնակարան շէնք կառուցելու ծրագիրին, տեղւոյն վրայ խորհրդակցեր է պատասխանատուներուն հետ։

Կովսականի մէջ պետական նախարարն անցուցեր է ընդլայնուած աշխատանքային խորհրդակցութիւն, որուն ներկայ եղեր են ենթաշրջանի շուրջ 14 համայնքերու ղեկավարները, դպրոցներու տնօրէնները, գործուն քաղաքացիները։

Պետական նախարարը տեղեկացուցեր է բոլոր ներկաներուն, որ այս տարի Արցախի կառավարութիւնը պիտի սկսի նախագծային աշխատանքներ Կովսական-Կապան մեքենաճանապարհի կառուցման համար։ Կովսականեան այցի աւարտին, Գ․ Մարտիրոսեանն այցելեր է տեղամասային հիւանդանոց, շրջայց կատարեր է’ ծանօթանալով ստեղծուած պայմաններուն, առկայ սարքաւորումներուն եւ հիւանդանոցի զարգացման հեռանկարներուն։

Input your search keywords and press Enter.