Պարոն Մակրոն, իսկ Ֆրանսան ե՞րբ պիտի՝ Հայ ազգին դէմ գործած իր դաւադրութիւններուն համար «ազգային օր» հռչակէ.ԱՀՀ Վարչապետ

Իրողութիւններ

Ֆրանսայի “Հայկական ցեղասպանութիւնը յիշատակելու ազգային օր”

հռչակելու մասին

Սկսինք նախ նշելով Ֆրանսայի՝ Հայ ազգին դէմ գործած դաւադրութիւններուն ամենակարեւորները.

  1. Ան միշտ կը կրկնէ «génocide arménien — Հայկական ցեղասպանութիւն» եզրոյթը, մինչ ան լաւ գիտէ թէ ոչ բարոյականօրէն, ոչ իրաւականօրէն եւ ոչ իսկ լեզուականօրէն ճիշտ չէ Հայ ազգին դէմ գործադրուած ցեղասպանութեան ոճիրը բնութագրուի որպէս «génocide arménien — Հայկական ցեղասպանութիւն»: Ցեղասպանութիւնը զուտ ԹՐՔԱԿԱՆ Է, իրականացուած Հայ ազգին դէմ: Կայ Հայկական իրաւունքներ, լեռնաշխարհ, մշակոյթ, պատմութիւն, լեզու, ազգ, երաժշտութիւն, գիտութիւն, արուեստ..եւայլն, այս բոլորը Հայկական են՝ բայց ՈՉ ՑԵՂԱՍՊԱՆՈՒԹԻՒՆԸ: Եւ սա անմեղ սխալ մը չէ:
  2. Ան երբ կը խօսի ցեղասպանութեան մասին՝ կը նշէ միայն 1915-ը, առանց որեւէ անդրադարձի 1894-էն սկսեալ այլ ցեղասպանութիւններեն, որոնք կիրառուեցան Արեւմտեան Հայաստանի եւ Կիլիկիոյ հայութեան դէմ, երբ հայութիւնը 300,000-է աւելի անմեղ զոհեր ունեցաւ: Սա ալ միամտութեան պտուղ մը չէ:
  3. Իսկ համաշխարհային պատերազմի աւարտէն յետոյ՝ այսինքն Փարիզի վեհաժողովի կողմէ Հայաստան Պետութեան հանդէպ միջազգային, ներառեալ Ֆրանսայի, ճանաչումէն յետոյ, եւ Սեւրի խաղաղութեան դաշնագիրէն ու Ուիլսոնի իրաւարար վճիռէն յետոյ, Ֆրանսայի եւ Անգլիոյ եւ ողջ  «քաղաքակիրդ աշխարհ»-ի աչքերուն առջեւ՝  Հայ ազգին դէմ շարունակուող ցեղասպանութեան մասին ընդհանրապես չի խօսիր Ֆրանսան: Այդ ցեղասպանութիւնները շարունակուեցաան մինչեւ 1923, երբ Ֆրանսան Կիլիկիոյ եւ հայութեան պաշտպանութեան պատասխանատւութիւնը վերցուցած էր աշխարհին դիմաց:
  4. Ամբողջ Արեւմտեան Հայաստանի հայութիւնը լաւ կը յիշէ թէ ինչպէս «Հայերուն պաշտպան» Ֆրանսայի զօրքը գիշերուայ մութին լուր ու մունջ ՓԱԽԱՒ Կիլիկիայէն՝ Աթաթիւրքի ուժերուն ներս խուժելու եւ հայերուն սպաննելու ապահով առիթ ընծայելու նպատակով:
  5. Ֆրանսայի եւ Անգլիոյ զոյգ բանակները միասին՝ ցամաքային պատերազմի յատուկ ունակութիւններ ունեցող զինուորներ չ՛ունենալով, Հայկական Լէգիոն մը ստեղծելու համաձայնութիւն կնքեցին Պօղոս Նուպարին հետ, որ պէտք էր նախ կռուէր ու յաղթէր Արարայի ճակատագրական ցամագային ճակատամարտը ու յետոյ ուղղուէր դէպի Կիլիկիայ ու այնտեղ կազմէր Հայկական իշխանութիւն ու այդ Լէգիոնը դառնար Հայաստան Պետութեան ազգային բանակին կորիզը: Բայց Ֆրանսական բանակն ու կառավարութիւնը, յաղթանակէն յետոյ՝ Հայութեան տուին սին դատարկ գովասանքի խօսքեր, փառաբանելով Հայ մարտիկի խիզախութիւնն ու հզօրութիւնը, միւս կողմէ ստորագրեցին Անկարայի պայմանագրութիւնը Աթաթուրքին հետ (1921), ու անոր յանձնեցին Կիլիկիան ու Կիլիկիոյ Հայութեան ճակատագիրը:
  6. 1923-էն անդին, Ֆրանսական կառավարութիւնները մեծ ջանքեր թափեցին տարագիր Հայութեան նկատմամբ, յատկապէս Սուրիայ եւ Լիբանան ապաւինած հատուածին, զայն հաւաքագրելու համար որպէս այդ երկիրներուն մէջ Ֆրանսայի շահերը պաշտպանող գործակալներ: Տասնամեակներ՝ միլիոնաւոր Ֆրանսական Ֆրանքներ տրամադրեցին այդտեղի Հայութիւնը ապաքաղաքացնելու նպատակով, որ անոնց միտքերովն իսկ Արեւմտեան Հայաստանի կամ Կիլիկիոյ ազատագրման հարցը չանցնի: Ֆրանսական գաղտնի սպասարկութեան «երկրորդ բիւրոյ» կոչուած բաժինին մէջ բազմաթիւ հայեր հաւաքագրուած էին սոյն նպատակին համար: 1980-ական թուականներուն, ԱՍԱԼԱ-ին դէմ դաւաճանութիւններ կատարողներուն ոմանք Ֆրանսական գաղտնի սպասարկութեան տրամադրութիւններէն այդքանալ հեռու չ՛էին:
  7. 1987-ին երբ Եւրոխորհրդարանը Հայ ազգին դէմ կատարուած ցեղասպանութեան ճանաչման բանաձեւ կը պատրաստուէր ընդունիլ՝ Ֆրանսան մեծ դեր ունեցաւ ճանաչումի բանաձեւին մէջ, այդ ճանաչումի քաղաքական եւ իրաւական բոլոր տեսակ բովանդակութիւնները վերացնելու նպատակով, այն ինչը որ յաջողեցաւ իրականացնել ճանաչման փաստաթուղթի երկրորդ յօդուածով:
  8. Ֆրանսան երբ Հայ ազգին դէմ կատարուած ցեղասպանութեան ժխտումը ընդունեց որպէս քրէական յանցագործութիւն, ան գործնականօրէն մեծ խոչընդոտ մը ստեղծեց ցեղասպանութեան մասին հանրային կարծիքին դիմաց քննարկելու եւ ցեղասպանութեան մանրամասները արծարծելուն առջեւ: Ո՞վ Ֆրանսային թելադրեց որ Հայութիւնը ինչոր մտահոգութիւններ ունի ցեղասպանուեան ժխտման հարցին նկատմամբ: Ընդհակարակը, հայերուն դէմ իրագործուած ցեղասպանութիւնը այնքան հաստատ եւ փաստացի հիմքեր ունի, որ ոչ մէկ ժխտում կրնար վնաս հասցնել այդ յստակ իրողութեան, այլ ժխտողական դրոյթները անգամ մը եւս առիթ պիտի հանդիսանային՝ Ֆրանսական հասարակութիւնը աւելի տեղեակ եւ լուսաբանուած դարձնելու համար:
  9. 11 Նոյեմբեր 2018-ին, Ֆրանսան նշեց առաջին համաշխարհային պատերազմի աւարտի 100 ամեակը, որու պաշտօնական միջոցառումին հրաւիլեալներու գլխաւոր ԲԱՑԱԿԱ-ն Ֆրանսայի «դաշնակից» Արեւմտեան Հայաստանի Հանրապետուեան, Կիլիկիոյ եւ Հայկական Լէգիոնի ներկայացուցիչն էր: Ալ ի՞նչ ցեղասպանութեան ազգային օրի, եւ ի՞նչ ճանաչումի մասին է խօսքը:

Ասոնք դեռ մէկ մասն են Արեւմտեան Հայաստանի հայութեան գիտակցութեան մէջ ողջ մնացաց Ֆրանսայի նկատմամբ դառն իրողութիւններուն:

Ֆրանսան այսօր, եւ յատկապէս այսօր, միջին արեւելքի մէջ տիրող աշխարհաքաղաքական ներկայ իրավիճակի լոյսին տակ՝ ուր Ֆրանսան եւ ընդհանրապէս արեւմուտքը պատմական նահանջի մէջ է, եւ ահաւոր մեծ պարտութեան շեմին կանգնած է՝ իր կործանիչ արարքներուն հետեւանքով, պէտք է սթափուի ու գլխու գայ: Միջին արեւելքը, որտեղ Հայ ազգը տարածաշրջանի գլխաւոր բնիկ ժողովուրդներէն մէկն է (եւ ոչ թէ Եւրոպային պատկանող ժողովուրդ մը), եւ տեղի այլ բնիկ ժողովուրդներուն անկեղծ եւ իսկական յարգանքը կը վայելէ՝ Ֆրանսային կողմէ նման պատեհապաշտ արարքները Հայ ազգի նկատմամբ, ոչ միայն Հայութեան զայրոյթը կը գրգրէ՝ այլեւ տարածաշրջանի այլ բնիկ ժողովուրդներուն, որոնց միջավայրէն ներս Ֆրանսայի համար գալիք քանի մը տասնամեակներուն դժուար պիտի ըլլայ մտերիմներ ունենալ:

Ֆրանսայի նախագահը, իր ներքին հարցերն ու խնդիրները, նաեւ զուտ Ֆրանսական ընտրական իր սեփական հաշուարկներուն մէջ Հայերու իղձերն ու ցաւերը պիտի չչարաշահէր, պիտի հայ ազգին դէմ կատարուած ցեղասպանութեան նկատմամբ Հայութեան զգացումները չշահագործէր իր քաղաքական նեղմիտ հաշուարկներուն համար: Ան կերեւի տակաւին չէ անդրադարձած, որ ներկայ օրերու Հայերը արմատական եւ որակականօրէն տարբեր են 1920-ի Հայերէն: Ան երեւի չի գիտակցիր, որ այսօր, Հայութեան ազգային արժանապատւութեան նկատմամբ որեւէ անպատշաճ մօտեցում՝ անպատասխան չի մնար:

Յիշեցնենք Պարոն Մակրոնին, որ Հայերուն դէմ կատարուած ցեղասպանութեան նիւթը զգացական արարքներով շօշափելը՝ Հայութեան իրաւունքներուն նկատմամբ անոր գիտակից հատուածին համար ոչ մէկ նշանակութիւն ունի: Ըսե՞նք թէ ինչու, … այո կ՛ըսենք, որովհետեւ.

  1. Ֆրանսան Հայերուն դէմ կատարուած ցեղասպանութեան ոճիրներուն նկատմամբ արդէն յստակ եւ կտրուկ կերպով ճանչցած եւ արտայայտած է իր պաշտօնական դիրքը նոյն 1915-ի Մայիսի 24-ին, Անտանտի Եռեակի Հռչակագիրով:
  2. Ֆրանսան (Թիւրքիոյ հետ), 14 Հոկտեմբեր 1950-ին վաւերացուց «Ցեղասպանութեան յանցագործութեան կանխարգիլման եւ պատժման Պայմանադրութիւն»-ը, որու սահմանման մէջ կը նշուի, որ Հայերու նկատմամբ թիւրքերու կողմէ իրագործուած ոճիռները ՑԵՂԱՍՊԱՆՈՒԹԻՒՆ կը կոչուին:
  3. Ֆրանսան, Եւրոպական այլ պետութիւններուն հետ միասին, 1987-ին ընդունեց Եւրոխորհրդարանին կողմէ որդեգրուած բանաձեւը Հայերուն դէմ կատարուած ցեղասպանութեան մասին, անկախ անկէ, որ այդ ճանաչումը դատարկուած է իր քաղաքական եւ իրաւական բովանդակութենէն իր երկրորդ յօդուածով, այսինքն լոկ զգացական ճանաչում մըն է, որ Հայ ազգին ոչ մէկ նպաստ կը բերէ միջազգային օրէնքին դիմաց:
  4. Ֆրանսական պետութիւնը 2001 թուականին նման զգացական ճանաչումով մը հանդես եկաւ, որ նոյնպէս իրաւական ոչ մէկ նպաստ կը բերէ Հայ ազգի իրաւունքներու վերականգման գործընթացին:

Ուրումն, 1915-էն մինչեւ 2001-ը, Ֆրանսայի կողմէ արտասանուած այդ բոլոր զգացական արտայայտութիւնները մազաչափ իսկ ազդեցութիւն չունեցան Ֆրանսայի արտաքին քաղաքականութեան մէջ՝ ի նպաստ Հայ ժողովուրդի ազգային իրաւունքներու իրականացման առումով: Իբրեւ թէ այս վերջին խաբուսիկ քա՞յլն է, որ ի նպաստ Հայութեան պիտի արմատական փոփոխութիւն բերէ Ֆրանսայի արտաքին քաղաքականութեան մէջ, … Պարոն նախագահ: Դուք կը հաւատա՞ք այս սուտին՝ զան Հայերուն հաւատացնելէ առաջ:

Որպէս Արեւմտեան Հայաստանի Հայութեան իրաւունքներու վերականգման գործընթացի պատասխանատւութիւնները ստանցնող Հայկական քաղաքական իրապաշտ կողմ՝ Արեւմտեան Հայաստանի կառավարութիւնը, նկատի առնելով որ քաղաքական ասպարէզին մէջ ոչինչ վերջնական է, եւ որ քաղաքականութիւնը կը հաւատայ հնարաւորութիւններու իրականութեան, մենք պատրաստ ենք Ֆրանսայի պետութեան օգնութեան ձեռք երկարելու անկեղծ եւ իրապաշտ խորհուրդով մը, հետեւեալ ձեւով.

19 Յունուար 1920-ին միջազգայնօրէն, ներառեալ Ֆրանսայի պետութեան կողմէ ճանաչում ստացած Հայաստան պետութեան իրաւականօրէն շարունակող պետութիւնը՝ այսօր Ֆրանսական պետութեան կ՛առաջարկէ հրապարակայնօրէն որդեգրել գործնական վերադարձ դէպի Փարիզի Վեհաժողովին եւ անկէ բխած Սեւրի խաղախութեան դաշնագիրի իրագործման ուղիին, հրաւիրելով այդ դաշնագիրը ստորագրող  բոլոր պետութիւնները՝ որդեգրելու նոյն քայլը, առաւել եւս յայտարարել Կիլիկիոյ վերաբերեալ՝ 1921-ի Անկարայի պայմանագրութեան վերջնական չեղարկումը:

Միայն նման քայլն է, որով Ֆրանսական պետութիւնը այսօր իսկական նորութիւն մը կրնայ բերել միջազկային ներկայ թնճուկային եւ տագնապալի վիճակին: Այդ քայլը ոչ միայն պիտի լուծէ Միջին Արեւելքի ժողովուրդներու հիմնական խնդիրները, այլեւ պիտի արմատական լուծումներ բերէ նաեւ Ֆրանսայի, եւ ընդհանրապէս արեւմուտքի, ներկայիս խորքային տագնապներուն: Միջին արեւելքին, ներառեալ վերականգնուած Արեւմտեան Հայաստանի եւ Հայկական Կիլիկիոյ, մէջ հաստատ եւ իսկական խաղաղութիւնն ու կայունութիւնը այսօր, միակ երաշխիքը կը հանդիսանայ ներկայ համաշխարհային անիմաստ եւ անհեռատեսական տագնապին:

Սա մեր կողմէ ուղղուած պատմական եւ լրջագոյն առաջարկն է, որ Ֆրանսան կրնայ այսօր ստանալ Հայութեան կողմէ, մնացածը ժամանակի վաճառք է, որտեղ Հայերս ոչ մէկ վարկյան եւս ունինք վատնելու:

Եթէ մեր ներկայ առաջարկին նպատակով այսօր հանրաքուէ տեղի ունենայ՝ ոչ միայն Ֆրանսայի, այլ ողջ Եւրոպայի հանրութեան կողմէ, վստահ ենք, որ ան մեծամասնութեան հաւանութիւնը պիտի ստանայ:

Գառնիկ Սարգիսեան,

Արեւմտեան Հայաստանի հանրապետութեան Վարչապետ

 

08 Փետրուար 2019

Input your search keywords and press Enter.