Շոշ համայնքի մանկապարտէզը շահագործման պիտի յանձնուի Մայիսին

«Հայաստան» համահայկական հիմնադրամի եւ Արցախի Հանրապետութեան պետական բիւտջէի համաֆինանսաւորմամբ Ասկերանի շրջանի Շոշ համայնքէն ներս կը կառուցուի մանկապարտէզ, որուն շինաշխատանքները նախատեսուած են աւարտին հասցնել Մայիսին:

«Արցախպրես»-ի թղթակիցին հետ զրոյցին Շոշ համայնքի ղեկավար Էրիկ Աբրահամեանն ըսեր է, որ մանկապարտէզի կառուցման աշխատանքները սկսեր են 2018 թուականէն:

Ըստ գիւղապետին՝ մանկապարտէզի շէնքը մէկ յարկանի է՝ նախատեսուած 50 երեխայի համար: «Ներկայիս մանկապարտէզի շինաշխատանքները գրեթէ աւարտուած են. կ՛ընթանան շէնքի ներքին յարդարման աշխատանքները: Մանկապարտէզի բակին մէջ կը կառուցուի խաղահրապարակ:

Պիտի իրականացնենք նաեւ արտաքին յարդարման եւ տարածքի բարեկարգման աշխատանքներ»,- ըսեր է Է. Աբրահամեանը:

Մեր զրուցակիցը նշեր է նաեւ, որ նախակրթարանը պիտի ունենայ նաեւ անհրաժեշտ գոյք. զայն պիտի ապահովէ «Հայաստան» համահայկական հիմնադրամը:

Input your search keywords and press Enter.