Հալէպի հայերը կը վերադառնան խաղաղ կեանքի. ՀՀ դեսպանը` Սուրիոյ իրավիճակին մասին

Հայ սակրավորները կ՛աշխատին Հալէպի գիւղական վայրերուն մէջ, ուր այս պահին գործողութիւններ չկան։ Հայաստանի դեսպան Տիգրան Գէորգեանը Sputnik Արմենիայի եթերով կը խօսի Սուրիոյ մէջ իրականացուող եւ իրականացուած մարդասիրական օգնութեան մասին։

Գէորգեանը վերջերս այցելեր է հայկական մարդասիրական առաքելութիւն իրականացնող խումբին։

Ըստ դեսպանին` մեր խումբը կ՛աշխատի բնականոն պայմաններու մէջ, նիւթատեքնիկական միջոցները կը տրամադրէ ռուսական կողմը, ականազերծման վայրերը կը նշէ Սուրիական կողմը, եւ արդէն 1 հեկտարէն աւելի տարածք ականազերծեր են։ Մեր սակրաւորները կ՛աշխատին Հալէպի գիւղական վայրերէն ներս, ուր այս պահին գործողութիւններ չկան։

«Հայաստանը Սուրիահայ համայնքին կ՛աջակցի 2014 թուականէն։ Եւ այդ տարիներուն ընթացքին 170 տոննա մարդասիրական բեռ ուղարկուեր է Սուրիա»,- ըսաւ դեսպանը։

Սուրիոյ մէջ հայկական դիւանագիտական ներկայացուցչութեան ղեկավարը, ընդգծելով Հայաստանի ուշադրութիւնը Սուրիոյ հայ համայնքին նկատմամբ, նշեց, որ Սուրիական ճգնաժամի առաջին իսկ օրերէն Հայաստանը ընդուներ է շուրջ 30 հազար Սուրիահայեր, որոնք Հայաստանէն մեկներ են այլ երկիրներ, հիմնապէս` Եւրոպա, ԱՄՆ եւ Կանադա։

Այս պահին Հայաստանի մէջ անոնցմէ մնացեր են 20 հազար․ որոնք յարմարուեր են Հայաստանեան կեանքին եւ լաւ կ՛զգան իրենց։

Input your search keywords and press Enter.