Հայաստանը պիտի շարունակէ աշխատիլ խաղաղութեան համար. ՀՀ ԱԳ նախարար

Հայաստանը եղեր է եւ կը մնայ Արցախի անվտանգութեան հիմնական երաշխաւորը, ու պիտի շարունակէ պահպանել իր պարտաւորութիւններն ու աշխատիլ խաղաղութեան համար: Ասոր մասին, Aysor.am–ի փոխանցմամբ, Ստեփանակերտի մէջ լրագրողներու հետ զրոյցին ըսեր է Հայաստանի Հանրապետութեան արտաքին գործոց նախարար Զօհրապ Մնացականեանը՝ պատասխանելով այն հարցին, թէ ինչպէս կը գնահատուի ԵԱՀԿ Մինսկի խումբի համանախագահներու յայտարարութիւնը։

«Մենք առաջ քաշեր ենք հարց մը, որ կը վերաբերի լիակատար արդիւնաւետ աշխատանքին: Մենք բացատրեր ենք՝ թէ ինչ կը նշանակէ Արցախի մասնակցութիւնը եւ անոր կարեւորութիւնը՝ արդիւնաւետ աշխատելու համար։ Վարչապետն իր ելոյթին եւս յստակ արտայայտեր է այն միտքը, որ որեւէ նախապայման Հայաստանի կողմէ երբեւէ չէ եղած։ Հայաստանը պիտի աշխատի խաղաղութեան համար: Այս բոլոր հարցերուն մասին մենք բազմիցս խօսեր ենք, ԱԳՆ-ի յայտարարութիւնը եղած է այդ առումով: Մենք կը շարունակենք սերտ աշխատիլ Արցախի իշխանութիւններուն հետ»,– ըսեր է Զօհրապ Մնացականեանը։

Ինչ կը վերաբերի յառաջիկային սպասուող Փաշինեան-Ալիեւ հանդիպման, Մնացականեանն ըսեր է, որ Հայաստանը կառուցողական ու գործնական տրամադրուած է:

Input your search keywords and press Enter.