Վրաստանի նախագահը ժամաներ է Հայաստան

ՀՀ նախագահ Արմեն Սարգսեանի հրաւէրով այսօր՝ Մարտի 13-ին, երկօրեայ պաշտօնական այցով Հայաստան ժամաներ է Վրաստանի նախագահ Սալոմէ Զուրաբիշվիլին: Զուրաբիշվիլիի գլխաւորած պատուիրակութեան կազմին մէջ են Վրաստանի արդարադատութեան նախարար Թէա Ծուլուկիանին, Վրաստանի խորհրդարանի փոխխօսնակ Գէորգի Վոլսկին, խումբ մը պատգամաւորներ, Վրաստանի փոխարտգործնախարար Լաշա Դարսալիան, պաշտօնատար այլ անձեր:

Նոյն օրը ՀՀ նախագահի նստավայրէն մերս տեղի ունեցեր է Արմէն Սարգսեանի եւ Սալոմէ Զուրաբիշվիլիի առանձնազրոյցը, այնուհետեւ՝ երկու երկիրներու պատուիրակութիւններու մասնակցութեամբ ընդլայնուած կազմով հանդիպումը: Նախագահներ Սարգսեանն ու Զուրաբիշվիլին հանդէս եկեր են մամլոյ յայտարարութեամբ:

Պաշտօնական այցի շրջանակէն ներս, Վրաստանի նախագահը հանդիպումներ կ՛ունենայ վարչապետ Նիկոլ Փաշինեանի, Ազգային ժողովի նախագահ Արարատ Միրզոյեանի հետ, կը հիւրընկալուի Գարեգին երկրորդ Ամենայն Հայոց կաթողիկոսին:

Սալոմէ Զուրաբիշվիլիի գլխաւորած պատուիրակութիւնը այցելեր է նաեւ  Մեծ Եղեռնի յուշահամալիր, ծաղկեպսակ դրեր է Հայոց դէմ կատարուած ցեղասպանութեան զոհերու յիշատակը յաւերժացնող յուշարձանին:

Input your search keywords and press Enter.