Քաշաթաղի շրջանին կը նախատեսուի հիմնել շուրջ 200 հեքտար նռնենիի այգի. գիւղվարչութեան պետ

Արցախի Հանրապետութեան գիւղատնտեսութեան նախարարութեան «Բուսաբուծութեան համալիր զարգացման ծրագիրի» շրջանակներէն ներս Քաշաթաղի շրջանին այս տարի կը նախատեսուի հիմնել շուրջ 200 հեկտար նռնենիի այգի։ Ասոր մասին ըսեր է Քաշաթաղի շրջվարչակազմի  աշխատակազմի գիւղվարչութեան պետ Լեւոն Սիմոնեանը:

Ան  նշեր է, որ  Արցախի Հանրապետութեան գիւղատնտեսութեան նախարարութիւնն   այգեգործութեան զարգացման նպատակով յայտ ներկայացուցած հողօգտագործողներուն անհատոյց պիտի տրամադրելէ  նուռի տնկիներ:

«Քաշաթաղի շրջանի   աշխարհագրական դիրքը   նպաստաւոր է նռնենիի այգիներու  մշակմամբ զբաղուելու համար: Այգի հիմնադրելու համար նախատեսուած տարածքները պէտք է ապահովուած ըլլան ոռոգման ջուրով եւ նախապատրաստուած ծառատունկերով: Ծրագիրէն կ՛օգտուին այն հողօգտագործողները, ովքեր նուազագոյնը ունին 1 հեկտար  տարածք: Գիւղնախարարութիւնը 1 հեկտարի համար կը տրամադրէ 625 նուռի տնկի: Ներկայիս շրջանի հարաւային թեւին կ՛ընթանան տարածքներու հերկման, տնկիներու համար անհրաժեշտ փոսերու փորման աշխատանքները»,-աւելցուցեր է Լ. Սիմոնեանը՝ աւելցնելով, որ շրջանի  բնակչութիւնը մեծ սպասելիքներ ունի «Բուսաբուծութեան համալիր զարգացման ծրագիրի» շրջանակներէն ներս իրականացուած աշխատանքներէն:

Անոր խօսքով՝   3-4 տարի յետոյ Քաշաթաղցիները կը նախատեսեն իրենց բերքը շուկայ  հանել:

 

Input your search keywords and press Enter.