Եւրոպական խորհրդարանը բանաձեւ ընդուներ է Թիւրքիոյ հետ անդամակցութեան բանակցութիւնները դադրեցնելու մասին

Եւրոխորհրադարանը Թիւրքիոյ հետ բանակցութիւններու դադրեցման մասին բանաձեւ ընդուներ է։ Որոշման կողմ քուէարկեր է 370 պատգամաւոր, դէմ՝ 109, ձեռնպահ՝ 143։  Պատգամաւոր Քէթի Պիրին կողմէ ներկայացուած օրինագիծին մէջ կը նշուի, որ Թիւրքիոյ մէջ մարդու իրաւունքներու կոպիտ խախտման դէպքեր կ՛արձանագրուին։

Զեկոյցով նաեւ կը նշուի, որ Թիւրքիան տարիներ շարունակ կը հեռանայ քաղաքական ու ժողովրդավարական արժէքներէն, Եւրոխորհրդարանը լրջօրէն մտահոգուած է Թիւրքիոյ մէջ մարդու իրաւունքներու, օրէնքի գերակայութեան, լրատուամիջոցներու ազատութեան, կաշառքի դէմ պայքարի վատ վիճակով, ինչպէս նաեւ հզօր նախագահական համակարգով:

«Մարդու իրաւունքենրու կոպիտ խախատումներու, օրէնքի գերակայութեան սկզբունքի խախտման, Թիւրքիոյ բանտերէն ներս ամենաշատ լրագրողներ ըլլալուն հետ միասին,  վերջերս տեղի ունեցած սահմանադրական փոփոխութիւնները աւելի ամրապնդեր են Էրդողանի մենատիրութիւնը»,- նշեր է պատգամաւորը։

Ի պատասխան ըդնունուած որոշման՝ «Արդարութիւն եւ զարգացում» կուսակցութեան խօսնակ Օմէր Չելիքը  ընդունուած որոշումը անհիմն եւ անաժէք համարեր է։

Input your search keywords and press Enter.