Կը մեկնարկեն Դիարբեքիրի Սուրբ Կիրակոս հայկական եկեղեցիի վերականգնման աշխատանքները

Դիարբեքիր նահանգի մէջ գտնուող Սուրբ Կիրակոս եւ տեղի կաթոլիկ եկեղեցիները կը վերականգնուին: Ֆինանսաւորումը կը կատարուի շրջակայ միջավայրի եւ քաղաքաշինութեան նախարարութեան կողմէ: Վերականգման աշխատանքներուն համար յատկացուեր է 15 մլն թրքական լիրա, որ կը վերահսկուի պետական հիմնադրամներու գլխաւոր տնօրէններուն կողմէ:

Սուրբ Կիրակոս եկեղեցին կառուցուեր է 1376 թուականին եւ ան կը համարուի Միջին Արեւելքի ամենամեծ հայկական եկեղեցին: 2012 թուականի Նոյեմբերին 32 տարուայ ընդմիջումէն ետք այստեղ կատարուեցաւ վերանորոգման յաջորդած առաջին եկեղեցական արարողութիւնը: Նոյն օրը հոն տեղի ունեցաւ նաեւ առաջին պսակադրութիւնը: Սուրբ Կիրակոս եկեղեցիի վերանորոգման աշխատանքներն իրագործուեր են Պոլսոյ Հայոց պատրիարքարանի ֆինանսական աջակցութեամբ: Աշխատանքներուն աջակցութիւն ցուցաբերեր է նաեւ Դիարբեքիրի քաղաքապետարանը: 2015 թուականին Դիարբեքիրի մէջ թիւրք–քրդական բախումներուն պատճառով տեղի եկեղեցիները լուրջ վնաս կրեր են:

Input your search keywords and press Enter.