«Times Square Chronicles»-ը Հայերու դէմ իրագործուած ցեղասպանութիւնը ներառեր է պատմութեան 4 ամենասարսափելի ցեղասպանութիւններու շարքին

Ամերիկեան Times Square Chronicles պարբերականն անդրադարձեր է մարդկութեան պատմութեան չորս ամենասարսափելի ցեղասպանութիւններուն, որոնց շարքին ներառեր է նաեւ 1915թ.-ի Արեւմտեան Հայաստանի Հայերուն դէմ իրագործուած ցեղասպանութիւնը:

   Յօդուածի՝ Հայերու դէմ իրագործուած ցեղասպանութեան վերաբերեալ մասին մէջ «Times Square Chronicles»-ը կը գրէ, որ 1,5 մլն (2 մլն 1894-էն մինչեւ 1923) մարդու կեանք խլած ցեղասպանութիւնը պաշտօնապէս կը համարուի մարդկութեան պատմութեան առաջին ժամանակակից ցեղասպանութիւնը:

  «Այս սարսափին հետեւանքով զոհերուն թիւը կրնար աւելի քիչ ըլլալ, սակայն այդ 1,5 մլն-ը (2 մլն 1894-էն մինչեւ 1923) հայկական բնակչութեան 50 տոկոսը կը կազմէր:

    Զանգուածային բնաջնջման սկզբնական թիրախն  առողջ տղամարդիկ էին, ինչի հետեւանքով գրեթէ անհնար դարձաւ վերականգնել բնակչութիւնը: Թիւրքիան առ այսօր կը հրաժարի այդ յանցանքները որպէս ցեղասպանութիւն ճանչնալէ»,- կը գրէ աղբիւրը:

 Ընդհանուր առմամբ, «Times Square Chronicles»-ի առանձնացուցած 4 ամենասարսափելի ցեղասպանութիւններուն շարքին է հրեաներու Հոլոքոստը (1941-1945թթ., աւելի քան 6 մլն զոհ), Ուկրաինոյ, Կուբանի և Ղազախստանի տարածքին տեղի ունեցած Գոլոդոմորը (1932-1933թթ., աւելի քան 10 մլն մարդ), Կամբոջիայի ժողովուրդի ցեղասպանութիւնը (1975-1979թթ., աւելի քան 3 մլն զոհ):

Input your search keywords and press Enter.