Նախկին Մարտիկներու Գործերու Ընկերակցութեան մէկ հատուածն ու Հայկական ծագումով Ֆրանսացի Դիմադրողներու Ընկերակցութիւնը՝ այժմ արդիւնաւետ կը գործեն Լիոնի եւ անոր շրջանին մէջ

ԱՐԵՒՄՏԵԱՆ ՀԱՅԱՍՏԱՆ — Ֆրանսայի Հայկական ծագումով Նախկին Մարտիկներու եւ Դիմադրողականներու Ընկերակցութիւնը այժմ մասնաճիւղ ունեցաւ Լիոնի մէջ, որ 2019 թուականի Մարտ 9-ին տեղի ունեցած Ընկերակցութեան Գլխաւոր ժողովին քուէարկեց յօգուտ Արեւմտեան Հայաստանի Խորհրդարանի Պատգամաւոր Տիկին Լիդիա Մարկոսեանի նշանակման , որպէս Ընկերակցութեան ներկայացուցիչ, եւ պարոն Ալէն Փալանճեանին ու պարոն Ռոբերտ Ղուկասեանին իրաւասութիւն տուաւ բարձրացնելու Արեւմտեան Հայաստանի դրօշակը՝ կազմակերպուող տարբեր հայրենասիրական արարողութիւններու առթիւ:

Իր բարոյական զեկոյցին, Ընկերակցութեան Նախագահ պարոն Ժան Ղազարոսեանը անդրադառձաւ անցեալ տարուան, եւ ներկայացուց այն բոլոր հայրենասիրական յիշատակի արարողութիւնները՝ որոնց մասնակցեցաւ Ընկերակցութիւնը: 1918 թուականի Նոյեմբեր 11-ի հրադադարի 100-ամեակի տօնակատարութեան շրջանակներէն ներս,  Պարոն Ղազարոսեանը խօսեցաւ Մեծ պատերազմի տարբեր ճակատներուն մասին եւ ըսաւ, որ պէտք է յիշենք ֆրանս-գերմանական ճակատը, ապա եւ Կովկասի եւ Պաղեստինի ճակատները, ուր մեծ թիւով կամաւորներ՝ Արեւմտեան Հայաստանի որդիներ կռուեր եւ մահացեր են ֆրանսական եւ բրիտանական զինուորականներու կողքին:

Պարոն Ղազարոսեանը նաեւ նշեց, որ Արեւմտեան Հայաստանը, որ դաշնակիցներուն կողմէ պատերազմող միակ Պետութիւնն է, որ չարժանացաւ մասնակցելու 2018 թուականի Նոյեմբեր 11-ի արարողութիւններուն. «Միայն մէկ պատերազմող Դաշնակից Պետութիւն՝ իսկական Դաշնակից, որ չէ պատւուած այս հարիւրամեակի արարողութեամբ․ այդ Արեւմտեան Հայաստանն է: Աւելի քան 1.5 միլիոն հայերու յիշատակը լիովին խախտուեցաւ եւ Պաղեստինի մէջ Ֆրանսայի կողքին կռուող հայկական լէգիոնի կամաւորները իսկական վիրաւորանքի ենթարկուեցան»։

Պարոն Արմենակ Աբրահամեանը՝ Արեւմտեան Հայաստանի նախագահն ու Ընկերակցութեան պատուաւոր նախագահն իր ուղերձով հաստատեց, որ մենք իսկապէս հասեր ենք շատ կարեւոր պահի մը, քանի որ «Մենք եղեր ենք խաղաղութեան Վեհաժողովի 100-ամեակի շրջանակներուն մէջ, որն հնարաւորութիւն տուաւ 1920 թուականի Յունուար 10-ին ստորագրելու դաշնակից պետութիւններուն կողմէ վաւերացուած Վերսայլեան պայմանագիրը, որն ալ թոյլ տուաւ դէ ֆակտօ ճանչնալու Հայաստան մը օսմանեան կայսրութեան տարածքին»։

Input your search keywords and press Enter.