Սբ. Սոֆիայի տաճարին վերաբերող Էրդողանի առաջարկութիւնը վիրաւորական է․ Յունաստան

Սուրբ Սոֆիայի տաճարը մզկիթի վերածելու Թիւրքոյ նախագահ Ռեջեպ Թայիպ Էրդողանի առաջարկութիւնը վիրաւորական է ոչ միայն քրիստոնեաներու, այլեւ միջազգային հանրութեան համար։

Ասոր մասին յայտարարեր է Յունաստանի Արտաքին Գործոց նախարար Ջորջ Կատրուգալոսը — կը յայտնէ Greek Reporter-ը։

«Ան ոչ միայն քրիստոնէական աշխարհի մեծ տաճար է, մեծագոյնը շատ հարիւրամեակներու ընթացքին, ան նաեւ կը պատկանի մարդկութեան։ Տաճարը ՅՈՒՆԵՍԿՕ-ի կողմէ ճանչցուեր է որպէս մեծ մշակութային ժառանգութիւն»,- news.am-ի փոխանցմամբ՝ յիշեցուցեր է յոյն նախարարը։

Էրդողանը Մարտի 24-ին Յունաստանի անկախութեան տօնի նախօրէին խօսեր էր տաճարը մզկիթի վերածելու հնարաւորութեան մասին։ «Սա բացառուած չէ։ Ինչպէս գիտէք, մզկիթը 1935թ․-ին վերածուեր է թանգարանի, ինչը կը խօսի Ազգային հանրապետական կուսակցութեան մտածողութեան մասին։ Մենք նոյնպէս կրնանք քայլ կատարել եւ փոխել այդ»,- ըսեր էր ան։

Աւելի վաղ Էրդողանը յայտարարեր էր, որ ինքը համաձայն չէ Սուրբ Սոֆիայի տաճարը մզկիթի վերածելու գաղափարին հետ, քանի որ այդ լուրջ հետեւանքներու կրնայ հանգցնել։

Սուրբ Սոֆիայի տաճարը բիւզանդական ժամանակաշրջանի հանրայայտ յուշարձան է։ Ան կառուցուեր է 532-537 թուականներուն՝ Յուստինիանոս կայսրի հրամանով, որ որոշեր էր յաւերժացնել Կոստանդնուպոլսոյ յիշատակը։

1453 թուականէն այնտեղ մզկիթ կը գործէր։ 1935 թուականին տաճարը դարձեր է թանգարան։

Input your search keywords and press Enter.