Մասնագետները կը զգուշացնեն Մալաթիայի մէջ նոր երկրաշարժներու վտանգին մասին

Պրոֆեսոր Դոկտոր Մեհմեդ Օնալը յայտարարեր է, որ Մալաթիա քաղաքին մէջ վերջին շաբթուայ ընթացքին  տեղի ունեցած երկրաշարժները դեռ հիմնական երկրաշարժներ չեն: «Պէտք է միջոցներ ձեռնարկել աւելի մեծ երկրաշարժէն պաշտպանուելու համար », — ըսեր է ան: Արգուվան եւ Հեքիմխան շրջանները ցնցած՝ 3,0 եւ 4,5 մեծութեամբ երկրաշարժները, մեծ վնաս պատճառեր են 250 շէնքի, որոնց 93-ը՝ ծանր։ Երկրաշարժէն յետոյ, վթարուած տուներու բնակիչներուն տրուեր են վրաններ, եւ տրամադրուեր է օգնութիւն: Պրոֆեսորի կարծիքով, այս երկրաշարժներուն հնարաւոր է, որ յաջորդէ աւելի ուժգին երկրաշարժ։ Նախկին փորձէն ելլելով, նմանատիպ դէպքերուն յաջորդող երկրաշարժի ուժգնութիւնն առնուազն 1 բալով աւելի կ՛ըլայ։

 

Input your search keywords and press Enter.