ԵւրոՄիութիւնը կը վերահաստատէ իր լիարժէք աջակցութիւնը ԵԱՀԿ Մինսկի Խումբի համանախագահներուն՝ ԼՂ հակամարտութեան կարգաւորման հարցին

Եւրոպական Միութիւնը կը վերահաստատէ իր լիարժէք աջակցութիւնը ԵԱՀԿ Մինսկի խումբի համանախագահներուն՝ Լեռնային Ղարաբաղի հակամարտութիւնը կարգաւորելու գործընթացին:

Ասոր մասին յայտարարութիւն տարածեր է ԵւրոՄիութեան արտաքին գործերու եւ անվտանգութեան քաղաքականութեան հարցերով մամուլի քարտուղար Մայա Կոսյանչիչը՝ անդրադառնալով Մարտի 29-ին Վիեննայի մէջ ԵԱՀԿ Մինսկի Խումբի համանախագահներու հովանիին տակ Հայաստանի եւ Ատրպէյջանի ղեկավարներու հանդիպման:

«Յուսադրող է ղեկավարներու հաւատարմութիւնը՝ հրադադարի իրավիճակն ամրապնդելու եւ խաղաղութեան համար բարենպաստ պայմաններ ստեղծելու, ինչպէս նաեւ անոնց պատրաստակամութիւնը՝ քայլեր ձեռնարկելու արդիւնաւետ  բանակցութիւնները շարունակելու ուղղութեամբ: Եւրոպական Միութիւնը կրկին կը վերահաստատէ իր լիարժէք աջակցութիւնը ԵԱՀԿ Մինսկի խումբի համանախագահներուն, որոնց շարքին՝ Հարաւային Կովկասի եւ Վրաստանի մէջ ճգնաժամի հարցերով ԵւրոՄիութեան ներկայացուցիչի միջոցով, ինչպէս նաեւ քաղաքացիական հասարակութիւններու միջոցով՝ վստահութեան ամրապնդման միջոցառումներու շրջանակներէն ներս»,- ըսուած է յայտարարութեան մէջ:

 

Input your search keywords and press Enter.