Ճապոնական երկարատեւ արշաւային ուղիներէն մինչեւ արժանտինեան ջրառատ անտառային շրջաններ. CNN Travel-ը կազմեր է արշաւային զբօսաշրջութեան լաւագոյն երթուղիներու ցանկը, ուր տեղ գտեր են 23 վայր հետիոտն զբօսանքներու համար:

Ուշագրաւ է, որ ցանկին մէջ տեղ գրաւեր է նաեւ Հայաստանի Հանրապետութիւնը, ուր, ըստ յօդուածագիրին՝ կը գտնուին Եւրոպայի լաւագոյն արշաւային երթուղիներէն մէկ քանին:  

Ինչպէս կը նշուի, 11-օրեայ արշաւը թոյլ կուտայ ծանօթանալու Հայաստանի եւ Մետաքսի ճանապարհի լաւագոյն երթուղիներուն, որոնք կը միաւորեն ՅՈւՆԵՍԿՕ-ի պաշտպանութեան տակ գտնուող Սանահին եւ Հաղպատ վանական համալիրները՝ անցնելով լեռնային արահետներով եւ կանանչ անտառներով, հնարաւորութիւն կ՛ընձեռեն հետիոտն արշաւ իրականացնելու Գեղամայ լեռներով եւ յաղթահարել Արագածի բարձունքը:

Հայաստանի Հանրապետութենէն բացի՝ ցանկին մէջ ներառուած են Սպանիան, Անգլիան, ԱՄՆ-ը, Ճապոնը, Արժանտինը, Մարոկկոն, Հոնկոնգը, Բութանը, Գերմանիան, Հնդկաստանը, Ուգանդան եւ շարք մը այլ երկիրներ:

Input your search keywords and press Enter.