Արաբական Պետութիւններու Լիգայի ղեկավարները յայտարարեր են Սուրիոյ մէջ անցումային շրջանի անհրաժեշտութեան մասին

Արաբական պետութիւններու Լիգան Թունուսի մէջ սկսած իր նիստին քննարկեր է Սուրիոյ, ԵմԷնի եւ Հիւսիսային Իրաքի հարցերը։ Երկիրներու առաջնորդները յայտարարեր են, որ Սուրիոյ մէջ անցումային շրջանը պէտք է աւարտուի եւ արաբական այդ պետութիւնը պէտք է վերադառնայ ԱՊԼ։

Արաբական երկիներու ղեկավարները նշեր են, որ առանց Սուրիոյ՝ տարածաշրջանին կայունութիւն  չի կրնար ըլլալ։ Եգիպտոսի նախագահը կարեւորեր է այն հանգամանքը, որ Սուրիոյ մէջ պէտք չէ ըլլայ որեւէ միջամտութիւն հարեւան երկիրներուն կողմէ, ակնարկելով Թիւրքիոյ գործուն միջամտութեան Սուրիական խնդիրին։

Աւելի վաղ Արաբական պետութիւններու Լիգայի ղեկավարները աջակցութիւն յայտներ են Սուրիոյ ինքնիշխանութեան՝ Գոլանի բարձունքներուն նկատմամբ, հրաժարելով ընդունիլ Ուաշինգտոնի կողմէ կայացուած որոշումը:

Միջոցառման ընթացքին քննարկուեր է նաեւ թրքական ռազմական ներկայութիւնը Հիսւիսային Իրաքէն ներս։

Input your search keywords and press Enter.